2017年9月1日星期五

現代版指鹿為馬



你說我差不是差
變身河童賴阿媽
滔天孽債無關我
話我誇時你亦誇

呢嗱、古有指鹿為馬、今有指糞為糖。罪惡城反派政客都可謂醜在世界之端矣!傷學三𡃁被控拖馬衝擊門常開東翼廣場罪成。當他們被判做義工和守行為之時、無人說他們是政治犯。之但係、當翻案堂判處三𡃁獄時、就忽然變咗政治犯了!無論是當今或過氣嘅大撞公會會長、以及細撞公會會長都走出來、以法術角度解釋三𡃁並非政治犯之後、反派嘅政棍仍然一口咬定三𡃁係政治犯、而且利用佢哋嘅機器發動咗一次黃粉絲大遊街以示壯聲勢。咁搞法、豈不是指着一坺米異共話係朱古力嚟?既然係咁、不如請反派諸公每個人當眾嘗一口、好讓街坊大眾信服吖嘛!

究竟點解反派硬係要咬死三𡃁係政治犯嚟呢?其實理由很簡單。因為當三𡃁成為政治犯之後、係會帶挈好多人嘅。首先、就係那群鼓吹偽和平示威嘅黃亂推手能夠順理成章的登上政壇道德高地、並將黃亂失敗全數歸咎於沒有參與其中嘅所有街坊、而那些曾經老點學生不守戒並不等如犯戒、但又唔畀自己子女參與其中嘅黑心政棍亦可以憑此委過於判處三𡃁坐牢嘅六判爺。其次就係、三𡃁可以憑政治犯身份過底畀花家做花人架喇!你話嘞、咁嘅安排係咪理想到無以倫比呢?之不過、只憑本城政棍指糞為糖都冇用、如果老蕃企硬不肯吃屎嘅話、三𡃁嘅政治犯身份是不會被確認的、而三𡃁就不能過底成為花家嘅家人。坦白講、如果我係老蕃亦唔會認同三𡃁係政治犯。如果確認咗嘅話、就不得將犯上刑事罪行而被判監嘅其他年輕示威者排除於外。依我睇、老蕃向來都只係想以黃制黃、而從來都冇諗過自己也沾上黃氣的。送個落錯雨獎畀班傻仔則無所謂、講到收留大可以免提。否則嘅話、就真係阿笨戴頭箍喇!嗱、試想想、你又會不會收留一個愛生事之人成為家庭一分子?唔使回答我架!只要回答你自己就得架喇!




14 則留言:

  1. 域兄,班反對派梗係要咁做喇,道理就如你所講,一方面可以甩身另一方面又可以抽水,如果我係戒律堂我就一定告佢哋藐視法庭……

    回覆刪除
    回覆
    1. Siu兄、話雖然係咁講、但做起來就很有問題。因為唔知點做至能夠唔得罪班同門師叔伯和一班師兄弟吖嘛!

      刪除
  2. 班叛黨大狀一定要咁講,即係佢哋無將班學生推去死,佢哋無犯法,呢次只不過係政治審判啫!

    回覆刪除
    回覆
    1. 這足以證明罪惡城冇政客、而只有政棍矣!

      刪除
  3. 域兄說得對極了! 反紅派見到自己人兵敗如山倒,重唔跌落地拿番渣沙咩! 自已榮升啲漢奸為“正字反”,企圖混淆是非,冚住晒啲衰嘢,好得以後有面目見人,再得到黑金和庇蔭囉。

    反紅反上腦
    崇洋太老土
    漢奸乞人憎
    當街坊冇到

    回覆刪除
    回覆
    1. 秋葉阿姨、這是本城政治生態、見怪不怪矣!

      政棍精甩辮
      唔賠細路癲
      有風使盡𢃇
      賴理你出煙

      刪除
  4. 好友☁¨♦晚安囉🌜甜夢安睡嚟🌛💤
     O
       o
     .∧_∧・。◇
     ( ・ω・ )
     |⊃/(___°¨*★
    /└-(____/✬・゚☆
    ❉•ೋஜ๑۩۞۩✾ഐ¨*♪♫♩♬
    🌟話咁快又╠╣aΡpy週末✨

    回覆刪除
  5. 一有機會
    總有些人喜歡抽水
    總有些人喜歡搭嘴

    回覆刪除
    回覆
    1. 抽水、搭嘴乃政壇常見之事、當中卻有優劣之分。本城政棍是屬於後者而矣!

      刪除
  6. 政治犯,佢地邊有資格???!!!

    回覆刪除
  7. 對於反紅、指鹿為馬,反派一向都好齊心架啦,今次都係習慣左照做啫。

    回覆刪除