2017年8月9日 星期三

最雞拍檔


殺雞原來是救雞
聞者齊丟路姆犀
法壇之上無真相
戒律黃思發圍

嗱、自從上次慈祥六判爺在公堂上稱贊戰中三名小頭目為公義而戰、然後高高舉起、輕輕放下、好讓佢哋受罪等如不受罰之後、其中嘅戇痴瘋登時唔習慣被人拉。日前戇痴瘋人稟六判堂、要求向總捕頭蘆葦草索取四萬五千両白銀(二萬兩係壓驚費、二萬兩係名譽費、五千兩係已支出費用)作為贈償。據戇痴瘋解釋、捕快在「頭七」當日並非拘捕他、但卻給他戴上孖葉、故有權以受害人身份索取賠償。但辯方卻指戇痴瘋搞錯對象、要攞賠償應該去找戒律院大總管長臂猿才對。嗱、我唔知戇痴瘋有冇被人老點、但佢就話會考慮嘅。

呢嗱、想不到吧!原來戇痴瘋係咁懂個把握機會向人要錢嘅。之但係、唔知佢又記唔記得在戰中一役期間、累起咗幾多無辜街坊蒙受損失呢?若論賠償、相信佢賣埋個某都唔夠賠。由此可見罪惡城街坊係幾咁人慈、他們就此放過呢壇累到佢哋成檔生意摺埋嘅黃思仔。然而、戇痴瘋就冇佢哋咁好氣、佢幾歹都有風駛盡𢃇、掠得幾多就掠幾多、即使掠唔到都可以打響個朵、幫佢進身尊貴行列吖嘛!難怪班街坊經常都講、翻盅亂講有着數、愛擋愛擱冇運行咯!就好似常無今次咁、連六判爺都認為常無有講大話、但佢又唔認為咁係犯法。在下實在太耐無接觸過公堂、所以唔知到原來在證人欄內講大話、並不算是提供假證供嘅。否則常無又點會冇罪?更妙嘅就係、戒律院大總管長臂猿話、無論常無是暫袋抑或係長袋與戒律無關、而係是否屬實嘅問題、所以是不得翻案咁話喎!在下實在不懂、何故宣誓後在證人欄內講大話冇事、而垃圾會玩誓就出事。如果我係常無、一定會效法戇痴瘋趁機反咬一口、控告巡捕房胡亂檢控使其身心受創、順便敲番一百幾十萬來幫補一吓都好吖嘛!係冇?!

18 則留言:

  1. 域兄,你真係講中重點,常毛一解除尊貴職務就已經猛咁叫人慳,慳出來的就可以幫到佢,而佢就話因此可以幫助其他人…
    照此推斷,常毛很快就會入禀索償,到時雙方都係自己友,索幾多都無問題啦!

    回覆刪除
    回覆
    1. 哈哈、真係有可能架!呢個世界就係咁過引嘅。

      刪除
  2. 域Sir,㾒瘋理7佢咁多,索償咗先算啦。

    回覆刪除
    回覆
    1. 假如痴瘋家陣重唔掠得就掠、遲吓被人的咗入冊就真係鬼可憐佢咯!

      刪除
  3. 㾒瘋,一點也不㾒,但瘋!

    回覆刪除
    回覆
    1. 對呀、係瘋狂掠水嗰個瘋吖嘛!

      刪除
  4. 戇痴瘋雖然未夠稱去當政棍,不過佢唔要面嘅無恥行為,早已在眾政棍之上。

    回覆刪除
    回覆
    1. 所以話啫、寧欺自鬆翁、莫欺少年“狂”吖嘛!

      刪除
  5. 呢個痴瘋以為醒目,入禀小額錢債審裁處,因為雙方唔可以有律師代表,就算索償失敗,都唔會有太大損失。但佢要求的申索,例如影响聲譽等,這類申索,雖然低5萬元,但小額錢債審裁處無權處理,最後咪轉返去區域法院。

    回覆刪除
    回覆
    1. 首先謝過飛獵兄點出有關方面嘅法律問題、使在下㒼塞頓開。

      也許痴瘋諗住背後有成棚金牙大狀射住、咁就冇有怕都未定架!

      刪除
  6. 好友☁。゚🌟瞓覺囉🌜甜夢安睡🌛💤
    ╔══╗────╔╗╔═╦╦╗─╔╗╔╗ஜ
    ║╔═╬═╦═╦╝║║║║╠╬═╣╚╣╚╗*
    ║╚╗║╬║╬║╬║║║║║║╬║║║╔╣♦
    ╚══╩═╩═╩═╝╚╩═╩╬╗╠╩╩═╝✾
    ──────────────╚═╝✨晚安🌙
    ๑۩۞۩╠╣aΡpy週四ഐ❉•ೋ

    回覆刪除
  7. 好久不見域兄,最近香港空氣很差,大家都要小心身體。😆

    回覆刪除
    回覆
    1. Teddy 兄、謝謝提點、大家都多關注健康吧!

      刪除
  8. 街坊唔告佢, 係因為嫌濕碎, 不如找個狀師來集睇訴訟

    回覆刪除