2017年8月4日星期五

六判無藍色



既然兩個口
有理懶動手
勝負已分明
新瓶載舊酒

當日西門墨(前花奇幫二五仔領班、當今皮佬𡅏大秘)將一百萬両銀分開四份、三份存入丐幫戶口、而另外一份就存入常無私人戶口。如果像江潮傳聞所指“是皮佬𡅏要求常無暫時代收、然後聽其指示再作安排”嘅話、常無呢個代收人稱號免強站得住腳。但別忘記常無是一名公人、私底下收受大筆銀両已經違反公人守則、加上他刻意隱瞞此事數月之久、直到清天衙門殺到埋身才將銀両存人丐幫戶口、已涉嫌構成公人行為不當之罪。講起嚟、當年詩人許就真係蠢夾笨、假如佢曉得話自己係“袋住先”咪乜事都冇囉!使乜搞到踎監、連上訴都衰埋?難怪有人質疑、大家都係收受銀両啫、點解詩人許同埋有關金主都要入冊、而常無及其金主就乜事都冇呢?由此可見、雖然兩名賴咗嘢嘅主角同屬「公人」階級、但常無背後嘅小白臉顧主、比起詩人許嘅老黃臉後台老闆靠譜得多了!

江湖上有人質疑、六判爺上次殺常無、今次放常無、究竟六判堂是否也分開黃藍兩派嘅呢?嗱、在下並唔認為係咁。依我睇、常無所涉及嘅兩宗案件、性質完全不同。上一次、常無因玩誓而失去一份筍盡天下嘅好工、純粹係佢個人撩鬼攞命、所以係抵死有餘、誰也不願出手去救他。然而、今次常無收受銀両是奉“柯打”行事、絕對係公事一宗。顧主是有責任在員工遇險時加以救援、所以常無今次就死唔去嘞。坦白講、如果顧主見死不救嘅話、以後就算想搵隻鬼來替佢賣命都幾難。假如老闆力水唔夠、即使心有餘、但力不足、一切都係徒然吖嘛!我話你知啦、六判堂依然係傳統上的那個六判堂、並沒有因為罪惡城過檔之後演變成五顏六色的。如果想再睇清楚啲係常無好彩、抑式係六判堂五顏六色、最佳做法就是由戒律院總管長臂猿將此案擺到上訴堂用顯微鏡照一照、再唔係就拎上終極堂作最後檢查。如果做晒呢啲功夫而結果都係冇變嘅話、罪惡城街坊以後就唔好再咁多聲氣喇!明嗎?


11 則留言:

  1. 你估長臂猿會唔咁做?我諗佢無咁笨實,最多咪整色整水拖到佢完成一地兩檢,到時咪交個波俾下一手咯!

    回覆刪除
  2. 罪惡城街坊以後就唔好再咁多聲氣喇!明嗎?

    回覆刪除
  3. 佢班嘩鬼唔玩得很耐!我直覺咁話!

    回覆刪除
  4. 好友☁。゚🌙瞓覺囉🌜甜夢安睡🌛💤
    ╔══╗────╔╗╔═╦╦╗─╔╗╔╗ஜ
    ║╔═╬═╦═╦╝║║║║╠╬═╣╚╣╚╗*
    ║╚╗║╬║╬║╬║║║║║║╬║║║╔╣♦
    ╚══╩═╩═╩═╝╚╩═╩╬╗╠╩╩═╝✾
    ──────────────╚═╝✨晚安🌟
    ๑۩۞۩╠╣aΡpy週末ღೋഐ❉

    回覆刪除
  5. 聞說銀主鬧窮要慳錢、資助少了、各地的五顏六色小花灌溉不足、萎縮不振… 小城這些小角色會不會也被放棄、不再關照呢?

    回覆刪除
    回覆
    1. 聽講、西方時逢大旱、北方又被截水、本城大水缸都搬家、由此看來城中野花野草恐怕冇運行矣!

      刪除
  6. 我估常無只係托管住啲錢,如果皮佬黎真係俾錢佢,點會用支票咁蠢!

    回覆刪除
    回覆
    1. 的確有此可能。但公職人員袋住人家筆錢六個月不報、本身已經違反守則。之不過、六判話常無雖然講大話、但並不構成罪。咁即係話、在公堂上畀假口供都冇罪、那麼袋住先就更加無罪了!

      刪除