誰在打壓誰？

不罰仍須罰

何必眼凸凸

老蕃幫倒忙

挨轟兼氣窒

繼日前、翻案堂判署反收地而衝擊垃圾會嘅13人組入冊8 - 13個月之後、昨日翻案堂判署三名參與衝擊門常開（反盟口中的民煮講場）嘅戰中開路三先鋒（戇痴瘋、兜捹康、𤓓三七）分別入冊6個月、7個月、以及8個月。嗱、所謂針唔拮到內唔知痛嘅。當日佢哋造成嘅衝擊對街坊構成重大損失而毫無知覺、今天被掟入祠堂“包括他們爸媽在內”才知到乜哋叫做痛。在下並唔係黑心望人踎監、而係覺得每個人都必須要為自己嘅行為負責。否則、我哋嘅社會就無秩序可言矣！三名被告（戇、兜、𤓓）在進入翻案堂之前、在大門外揚言永不言悔、並聲稱已經造好做監躉嘅心理準備。所以街坊們亦冇必要為他們惋惜、因為這條路是他們自己揀的。

講開又講、那隻“鑊後黑手”終於憋不了！就在翻案堂剛剛判案後、花家閣會就馬上撲出來指責揸拂堂破壞“一數兩計”都唔止、還指責紅家打壓佢班𡃁𠻹。更加荒謬嘅就係、花大叔居然做埋米字佬嘅代言人、警告紅家會、若然再不遵守“紅米聯合聲明”嘅話、花家就會重新審視罪惡城跟花家嘅特殊關係喎！嗱、係就嗱嗱聲、千祈唔好遲。看來、花大叔似乎忘記咗這裡是罪惡城、而唔係高麗、更唔係扶桑、係無人會買佢怕嘅。我哋龍族有句話叫作“人貴自知”吖嘛！可惜花大叔呢類老蕃就是不懂。否則就唔會被人插到面懵懵啦！係嘛？！

話說回來、現在留下來嘅尚有皮佬𡅏和三妖等19幾名戰中頭領尚未接受六判爺審訊。城中輿論對此甚為不滿、矛頭直指戒律堂大總管係 Benz Brake 即係辦事不力。甚至有輿論指皮佬𡅏有法器護身、連揸拂堂也不敢動他一條汗毛。事實上、這類傳說亦已經在江湖上流傳已久、唯獨是大家都只不過係口慷慷、大隻講、就是拿不出證據來。其它方面我唔敢講、但在戰中所構成嘅“公眾防妖”這方面、我很相信戒律大總管定必會給街坊一個交代。大家就不妨拿些耐性出來再等一會吧！注於常無“袋住先”一案已成過去式、多講亦無謂矣！江湖上流傳、常無收取嘅銀兩唔一定係花銀、當中極可能有紅銀、所以上次“袋住先”放過他、並不等如“公眾防妖”都放過他的。因此常無等人雖然逃過初一、但並不等如也能逃得過十五嘅。咱們就等着瞧吧！