唔係口糠糠
口爽大隻講
無心撕破臉
有災用你擋
自從兩學三𡃁被判坐監之後、反盟那個「罰即是不罰」嘅如意算盤就此被砸碎。由期是尚未被判刑嘅黃亂搞手、一諗起坐花個躉就人皆心驚肉跳。再加上腍柿堅駕禍紅家會一事敗露之後、必會對嚟緊嘅議事堂補選擂台大賽構成不利影響。在一為功神、二為弟子之下、惟有請戒律大總挨義氣載上打壓異見分子嘅帽子、從而明批戒律院、暗斥翻案堂、企圖為反盟營造出一個受到政治迫害嘅型象出來見街坊。繼大撞幫頭領惡形亨以一條不成問題嘅問題(有冇為咗要釘死三𡃁、而否決檢控員不提翻案嘅決定?)來追殺戒律大總管之後、又輪到幫主戇嬌楊向戒律大總管使出同一道板斧。難怪終極堂過氣嘅頂級六判爺死火熊能也跳出來、償兩人各食一碗兜巴灼麵、以示回報兩人毫無道理兼亂噏廿四。