2017年7月19日星期三

魔鬼交易做不得



叫價似真不是真
此君從來係靠𧥺
講完屁話則則膊
搞寸江湖累眾人

正當被叮四人組為冇水上訴而惆悵之際、黃亂吹雞人妖蜓又跳出向揸拂人喊價、稱聲以“免除被叮四人組交付官司債、以及免除償還已支取嘅薪金、在四個月內進行補選、不得在補選前修改議事規則、不得在補選前通過廿三兜等具爭議嘅議案、不得再覆劾其他身有屎嘅尊貴”作為反盟與揸拂堂修補關係嘅條件喎!嗱、妖蜓開出嘅條跟一個屎氹無異、就算浸唔死都被臭死啦!係嘛?!如果揸拂人照做、就是以其權力推翻公正堂嘅判決、即係凌架在法律之上。咁你話死唔死?講開又講、寬鬆處理向來都是為鼓勵那些知錯能改嘅人而設的、注於那些咎由自取還要委過於人嘅頑劣之徒係冇資格獲得的。話說回來、從妖蜓這類反口復舌兼自私自利嘅人看來、係唔會花時間去做利人而不利己嘅事。因此、今次佢嘅喊價動作、顯然係醉翁之意不在酒。

其實對於妖蜓這種“法力”高深嘅大行家來講、冇理由唔知到“玩誓”係世所不容嘅。妖蜓知到紅家會遲早都會出手的、只係冇諗過一言堂這一擊居然會來得又快又狠、以致六名“玩誓”尊貴在措守不及之下被打柴。之但係、如果妖蜓唔係另有諗頭嘅話、係唔會以咁高嘅姿態呼籲揸拂入勿繼續將其他“玩誓”尊貴打柴。事實上、妖蜓係知到揸拂人唔可能跟佢私相授受、但為着要推高整件事嘅氣氛、所以將“廿三兜立法、以及修改議事規則”兩件事凸顯出來吸引大眾眼球、好讓大家盯着揸拂人是否會趁反盟人丁薄弱之際、將一系列具爭議性議題擺上議事桌。嗱、千祈咪小覷呢種“似叫價、實叫陣”嘅招數呀!現在件事已經被妖蜓搞到揚晒、假若揸拂人真係打矛波、趁反派弱勢而乘機偷雞嘅話、坊間必定會哄動起來、到時反派只要趁機振臂一呼、支持者就會跑上街嘅抗議、咁就極有可能會演變成繼黃亂之後嘅另一場大規模抗爭。呢個先至係妖蜓真正想達到嘅目的。須知到、廿三兜立法是歸本法規定的、絕對唔可以永遠擔擱落去。既然廿三兜立法遲早都要成為事實、如果我係有心人嘅話、都會在適當時候借它來過一棟、執番劑“𠹳撻撻”嘅畀紅家會嘆吓啦!雖然揸拂人外表上係有點好性、但並不等同愚蠢、所以係唔會中招嘅。係嘛?!




12 則留言:

  1. 今次俾大妖蜓祭出這幾道陰招,我相信班高官和建制都不會輕言修改議事規則,與及將廿三條提出,是關冇邊個想做衰人,同時也怕揹鑊與失選票人心,反正做唔做嘢人工都係照逗…

    回覆刪除
    回覆
    1. 妖蜓旨在撩起社會混亂、其它好少理。罪惡城之所以被叫作罪惡城、與那此所謂官不無關係的。

      刪除
  2. 作為從政者,必需有政治智慧。妖蜓不愧為大阿哥,明顯比嗰幾條傻仔,櫈都未坐暖就俾人KO高明得多!

    回覆刪除
    回覆
    1. 妖蜓既然能當上吹雞人、當然唔係浪得虛名。所謂七分本領、三分人事。要對付佢比想像中更難。

      刪除
  3. 妖人又出口術,講價煽人兼指揮! 正如上面文章所講:
    「寬鬆處理向來都是為鼓勵那些知錯能改嘅人而設的、至於那些咎由自取還要委過於人嘅頑劣之徒係冇資格獲得的。」對於一些毫不尊重議事堂的人,根本無資格要人家聽從他的命令去妥協。
    都是一些自大的狂徒,他們的嘴臉很難看!

    回覆刪除
    回覆
    1. 如果妖蜓唔出口術就唔係妖蜓喇!注於那些死不悔改之人唔嘴臉就真係各花入各眼。對花大叔來講、佢哋都不知幾好樣呢!

      刪除
  4. 好友☁。゚🌙瞓覺囉🌜甜夢安睡喇喂🌛💤
    🌟眨吓眼時間過得好快╠╣aΡpy週四✨
     O
       o
     .∧_∧・。◇
     ( ・ω・ )
     |⊃/(___°¨*★
    /└-(____/✬・゚☆
    ❉ღೋ๑۩۞۩✾ஜഐ*

    回覆刪除
    回覆
    1. 神鳳午安、又到周五喇!準備好周末節目未?

      刪除
  5. 寬鬆處理向來都是為鼓勵那些知錯能改嘅人而設的,不過有D人唔只得寸進尺,反口覆舌,食你隻車係因為你蠢聽我老點。
    今日叫揸拂人去人治,他日就會攞著呢單野做口實,紫禁城已經同紅家會一樣,成為人治嘅世界,所以非反不可。

    話時話,修改議事規則好似係垃圾專貴嘅地盤,又點關揸拂人事呢。
    剛剛財委過唔到幾百億,應該就係一個藉口去郁議事規則喇。

    至於廿三兜,只需要一半垃圾就夠過,唔使少左6件垃圾都得,咪拖下先囉,遲兩年有乜所謂。

    回覆刪除
    回覆
    1. 妖蜓明知到揸拂人當然不會踩落呢個氹度、佢只係試吓水溫、然後計劃下一步之嘛!廿三條立法基本上無難度、立與不立、一切事在人為而矣!

      刪除