冷戰已經展開

越是炒作越驚青

若然翻臉冇命贏

握實拳頭頂硬上

撥開雲霧見天廳

呢嗱、花大叔千辛萬苦𢵌冧鬚聯佬、然後登上地球霸主寶座。本來人家做大佬做得好地地、點不知嗰條東方睡龍忽然間瞓醒咗、仲忽然之間復興起嚟、而且又要搞條「一銀一路」出來貫通全世界。咁搞法、花大叔仲點瞓得着？你話花大叔唔撞火就勢係假啦！係嘛！嗱、唔止花大叔驚青、連佢個老友歐㒼、同埋佢隻哈巴狗架仔都驚青架。就係咁、老番無視阿爺成功走過世貿規定嘅十六年監察期、以及無犯規紀錄嘅事實、集體拒絕給予阿爺“對等貿易權利”嘅待遇。由此可見、老番對龍族嘅復興是非常忌憚的。現在花家新大佬喪普奉行單邊主義、並且要跟所有貿易伙伴重新簽訂協定、搞到全世界都媽媽聲。歐㒼見勢色唔對便搲住阿爺、話要加強經貿合作。阿爺當然要食住上、先搞定班老番履行諾言承給予龍族擁有對等貿易權利。呢台戲仲有排做架、大家放長雙眼睇啦！

老番又痕又怕痛、一方面想搭新思之路嘅順風車、而另一方面又唔願意見到龍族壯大。因此對龍族做出很多無理取鬧嘅事來。花家太平洋艦隊嘅倭裔上將揩利斯唔止經常派戰機戰船在南海撩是鬥非、現在更加可惡到派平板兩棲戰鬥艦靠泊在寶島。咁搞法、花大叔擺到明係違反跟阿爺建交時所許下嘅承諾。照咁睇嚟、花大叔已經鐵了心要刺激到阿爺火遮眼而作出不理智反應。到時就可以小事化大、找個藉口成班老番聯合起來制裁阿爺、從而將龍的傳人打回冰河時期去。咪被我估中、花大叔之所以擒擒青在南寒仔屋企安裝殺得系統、目的就是令到阿爺跟南寒仔擘面、從而砸散阿爺、南寒仔、架仔三方準備籌組嘅「亞洲三角經濟共同體」計劃。因為花大叔比誰都清楚、如果讓世界第二和第三經濟體系、以及經濟實力不容小覷嘅南寒仔結合在一起嘅話、花大叔在亞洲嘅利益必定受損的。所謂人不為己天誅地滅、所以花大叔不獨只在南海興風作浪、在車海亦絕不手軟的。最近還多咗一個終日擔憂阿爺嘅勢力伸展到印度洋嘅摩囉星大佬漠滴、花大叔當然唔會放過。看來花大叔要利用佢嘅特工、在全世界進行對龍族抹黑了！打從近日袋鼠佬忽然與龍族爆發間諜戰、以及安南仔跟街坊軍第二把手見面不歡而散等事件看來、在背後操盤嘅顯然是花大叔。因此有理由相信花龍冷戰已經開始咗喇！