2017年6月24日星期六

惡到冇朋友



壓制一家又一家
左鄰右理強忍他
諸家有怒無聲氣
為怕無𤶸𤶸

1930年花大叔睇中受哥倫臂罅控制嘅爸那媽運河、於是策動爸那媽脫離哥倫臂罅而獨立。成功後便與爸那媽簽下永久擁有爸那媽運河使用和控制權。在40年代、花大叔趁着二戰機會在爸那媽地頭上強設134個軍事基地、並將爸那媽當做佢嘅扯線公仔。在世界與論壓力之下、花大叔終於在1977年再跟爸那媽再簽新條約、答應在1999年底退還運河歸還。但在1990年、花大叔又以爸那媽一哥犯毒為藉口、派兵將之擄返花家判刑、然後換上花大叔心儀中人坐上巴家一哥之位。至今尚有3400名花軍賴在爸那媽地頭賴死唔肯走。由此可見、花大叔係唔會放生呢隻馬仔嘅。事實上、花大叔歸還給爸那媽的只係運河嘅經營權而唔係主權。

其實住在南美洲嘅花家鄰居眼中、花大叔是一名不折不扣嘅惡棍。機乎所有南美家族都要受花家氣、聞花家屁嘅。例如、在股爸地頭裡面居然有一個叫作「關連罅」嘅花家海軍基地。據花大叔講、係佢從股爸租來嘅一個永久用地嚟。即係話、股爸永遠都不能收回該地嘅主權咯。難怪股爸人一直認為那是他們心中的永久恥辱、只係無能力去改變而矣!花大叔唔止欺負鄰居、就算係盟友都照恰可也。例如居於楓葉家後門嘅花大叔、居然話楓葉家前門的一個島(亞啦輸家)係佢嘅地頭嚟。可能係楓葉家習慣依賴花大叔生存、所以明顯被人撳住搶都冇聲出。仲有呀!在1956年意識熱發兵攻打埃𥄫、花大叔就出手阻止米旗和罰躝西奪取鬚如是運河控制權。花大叔一方面以本傷人、大量拋售米旗銀靠害人家嘅經濟、另一方面勾結沙鵝牽制米旗和罰躝西。因為花大叔認為、鬚如是運河控制權一旦落入米罰兩家手中嘅話、必會對花家歐非兩大洲嘅策略搆成不利因素。因此寧願烏蠅摟馬尾、一拍兩散為止、都唔肯益兩個盟友。呢個就係花大叔嘅真面目。但諷刺嘅就係、機乎全世界都認同咁樣嘅一名惡棍係維護民主和人權嘅象徵嚟。嗱、花大叔居然面皮厚越過太平洋、跑到南海老屈紅家會欺負鄰居、仲拖埋一班馬仔在龍族家門口搞風搞雨。咁你話嘞、究竟呢個係乜嘢世界嚟呢、吓?!




14 則留言:

  1. 我想,呢一招(永久霸用)比起米字國當年的殖民地更高,因為無殖民地之名而有殖民地之實!

    回覆刪除
    回覆
    1. 花大叔從來不會在自己嘅事情上講理由、一向都只會在他人嘅事情上說人不是。因為他的拳頭依然是世上最大最勁的。

      刪除
  2. 域Sir,大約30多年前我去過巴拿馬,巴拿馬市中心有一條唐人街,有一間唐人雜貨店名字叫簫德興,好記是同關德興名字差不多,店主姓簫,我好奇進去睇下,冇購物只同他傾計交談完後,他還叫他土生的女𠒇Anna 順道開車載我去睇運河,開車經過運河附近的一個區,見到有花旗國旗,她告訴我呢度是花旗區,環境好靚,房屋間間都正,後來呢位女仔嫁給為巴拿馬高官,呢位高官後來更因緣際會成為總統,就是接替被花旗佬推反的Noriega ,她貴為總統夫人,每次想起都感到值得自豪,巴拿馬總統夫人也曾經和我半日同遊。

    回覆刪除
    回覆
    1. Stella 姐,勁乜呢? 已經成為塵封往事,只不過域Sir題及巴拿馬又勾起了一些回憶。

      刪除
    2. Wai兄、閣下交遊廣闊、朋在皆有五洋七洲、連巴拿馬第一夫人亦曾與君同遊作伴。娜姐講得啱、你確實犀利過犀飛利喇?

      刪除
  3. 這些蝦蝦霸霸
    自以為是
    自居正義之徒
    以為五湖四海皆在其多管閒事的範圍內
    到處虛張聲勢
    為的就是到處舔利益
    博攝位博出位

    回覆刪除
    回覆
    1. 正義全仗武力
      附和者皆為利而來
      本來是多金勇武
      但多金就快輪唔到佢
      唯獨是拳頭之硬在未來廿卅年依然無人能敵

      刪除
  4. 重要嘅係花家嘅拳頭大過沙煲呀!

    回覆刪除