由衰仔講起

背向天堂面向西

只緣一切欠律規

莊家搭台黃家佔

失了主場腳又跛

俗語有話、寧生敗家仔、莫生蠢鈍兒吖嘛！之但係、生個點樣嘅仔出嚟、並唔係由自己話事嘅。例如城中富商老陳個寶貝仔陳傲癲本來是好端端的、誰知自從佢入咗匿攻大教館受訓之後、人就變得滿腦子黃色意念。陳傲癲好嘅唔學、竟然學人加人毒派、仲做埋盲族幫嘅吹雞人。染上一身毒癮嘅陳傲癲衰到連老竇都唔認、仲要在自己個額頭鑿上“滅祖欺宗”四個大字以示其志。唔淨止係咁、陳傲癲仲計劃在佢老竇生日前夕、即係六月卅日晚上、提前同佢老竇做壽。到時佢會號召盲族幫嘅幫眾齊齊披麻戴孝兼點埋白蠟燭、在老陳面前哭訴佢自己淪為孽種廿年喎！咁、你話嘞、此子係咪想激死老竇搵山拜？

老陳嘅遭遇絕非只屬個別畸屎咁簡單、而係與大眾息息相關嘅。當前、城中大教館機乎全部都係黃思洗腦機關。即係話、無論你送子女入那一所大教館受訓、結果都是滿腦子黃色思維。難怪揸拂堂碰嗰瓣、衰嗰瓣、無論是提倡覺教、煲廿三味、推行整改等、結果都係冇齣好戲啦！相反、米旗人臨走前在本城豎起嘅那幅防紅牆、卻堅固依然。冇偈架喇！誰叫揸拂堂花咗廿年光陰、依然推不倒那幅防紅牆？表面上睇、係基於反派頑抗而令揸拂堂無功而退。但令人質疑就係、反派真係咁神通嗎？再講啦、若非當年老古懂煲廿三味時、被架忌冷兜腳踢爆個藥煲、而累到佢冇得撈嘅話、罪惡城根本上唔會淪落到半黃不紅咁嘅地步。紅家會是明知到米旗人走後必留後着、但唔知點解只係就手旁觀。照計、就算不能一網打盡、但總可以發揮一些遏阻作用。點都冇理由會讓件事繼續惡化落去嘅。嗱、遠嘅唔講、就近近哋談談講錯電台。眾所周知、呢個前揸拂堂喉舌早已變成黃思傳播媒介、而揸拂堂唔止冇將之摺埋、反而另蓋一棟設備更先進嘅新講錯大樓、好讓呢個台繼續散播黃思。咁、你話C唔C？現在問題係、點解反派可以雀巢鳩佔？點解該台員工可以惡到在顧主頭上拉屎？何以一手抓着銀両、另一手抓着權力嘅顧主、居然要炒一個以下犯上嘅員工魷魚都唔可以？你可以話畀我知點解嗎？