認罪不認錯

犯錯等如不犯錯

生嚿叉燒仲好過

矛槍劃破中秋夜

靚忽從此變爛籮

大判堂將會就“在黃亂期間有人不違入禁令”一案進行公審。不過兩名黃亂小頭目沈號龜和戇痴瘋揚言、將會認罪不認錯喎！沈號龜（無糧大狀涼加熱嘅信徒）死撐、不理會禁令並不等同當法律冇到、仲話誓要主動入冊係展示其無懼無悔嘅精神。若然沈戇兩人講嘅係真心話、倉友們可能會以英雄儀式迎接呢兩個新躉入冊、但之後一切就難料架喇！嗱、打個比喻講、當小白臉被人唱完後庭花之餘、還要被揶揄“唱君之後庭花、不等同擾君之後庭花”嘅時候、唔知到會唔會被氣個半死呢、吓？雖則話、沈戇兩人皆是花大叔契仔、在罪惡城搞花個底還可以到花奇從新做人、但其他人就冇咁好彩喇！否則在新年期間有份參加怒火開年嘅少女就無須要棄保潛逃到台島、要求台毒組織收留啦！係嘛？！

原則上、任何法則之所以會被訂立下來、就是供人遵守嘅。任何人違反法則都要面對制裁、絕不容許任人凌駕在法律之上的。其實人生就像是一場遊戲、當中有規則、有賞罰、所有人都必須按照遊戲規則去玩。倘若參人故意搞亂檔嘅話、那麼遊戲就變得不好玩、再玩落去也沒有意思了！但凡搞亂檔嘅人都是不受歡迎、亦為其他人所不恥、甚至被大眾排擠。但滋事者還要自誇、不守規則不等同不尊重規則、更不等同搞亂檔、仲話要以受罰來顯示其英雄氣概。咁你話嘞、係咪生嚿叉燒好過生個咁嘅戇居仔呢？當成局遊戲都被破壞者搞到不倫不類、使得所有人都興致盡失、仲要聽佢哋講埋一大堆風涼話、都咪唔嘅㷫過焫雞嘞。之但係、守規則嘅人係唔會對破壞者粗暴嘅、惟有寄望大判堂公正人揸正來做、替受影響嘅所有人討回公道。雖然之前有個別公正人作出小罰大鬆章、而令人對於大判堂嘅公平和公正性產生疑惑和困擾。但無論如何都不能對法制失去信心的。因為連信心都失去嘅話、必定會全盤次序大亂、咁就真係中正破壞者嘅下懷咯！