2017年6月12日星期一

廢援署叻番一趟


長島托子號桌堅
擅打荷包夾出千
無奈廢援不賣賬
呢鋪撒賴也枉然

呢嗱、罪惡城揸拂堂喜歡搬起石頭揼自己對腳就係人都知架嘞、由其是以廢率援助署為甚。該署唔止每年向假爛民提供廢援之外、還向那些專門替政黨做爛頭碎嘅專業蝠瞎人發放援助金、好讓佢哋將“司廢界”當作獅子咁舞。其實大家都有眼睇、呢類所謂專業蝠瞎人只不過係政黨嘅傀儡、基本上全都是被動的。因此佢哋打嘅官司、通常都係十打九輸的。事實上、呢班傀儡從來冇打算過會贏、其目的旨在玩殘金紫荊而矣!罪惡城不乏蝠瞎王和蝠瞎后、但其中名氣最大的就是長島蝠瞎王托桌堅。

今次廢援署終於能夠作出一次正確嘅決定、因為該署決定在三年之內不再受理托桌堅申請廢援嘅要求。坦白講啦、托桌堅已經係玩蝠瞎玩到走火入魔架喇!加陣佢向公堂申請發“禁製”令、禁止一名已獲分配公窩嘅市民將從前所住嘅爛鬼鐵皮窩改裝為豪華別墅。喂、阿哥、呢單嘢應該向地證署、屋雨署、妨屋署等公家部門投訴、如果佢哋夠膽唔理就向驅異會和圾垃會尊貴投訴、再唔係就向本城嘅第四權(報料館)投訴、保證會有所交待的。若然咁都唔得、才申請廢援控告各公家部門失職都未遲、而唔係動不動就浪費納稅人嘅銀両去滿足一己嗜好嘅。聽講話、今次廢援署之所以會作出如此明智嘅決定、係在事前收到一封由垃圾會尊貴借咪俊所寫嘅信、查詢該署對濫用廢援有何準則所至。咁即係話、借咪俊就係呢件事嘅幕後功臣喇!因此街坊大眾應該畀個like佢至係喇!嗱、睇在大家都係咬糧會會員份上、在下不妨提醒托桌堅、冇銀両就別多管閒事兼動輒打官司、因為閣下係冇任意挪用公帑嘅特權嘅。知冇?




16 則留言:

  1. 正所謂一雞死,一雞鳴,你可以殺得咁多嗎?

    回覆刪除
  2. 天下pk何其多,仲有好多匿埋喺角落笑呵呵。

    回覆刪除
  3. 罪惡城揸拂堂喜歡搬起石頭揼自己對腳就係人都知

    回覆刪除
  4. ✨好友☁。゚♦╠╣aΡpy週一🌟晚上安好
    ⚡下午5:30🌀卦起八號風嚟☔你回家未

    回覆刪除
    回覆
    1. 神鳳、打完風喇、大家都平安就好。

      刪除
  5. D人諗住有權唔用, 浪貴嘛

    回覆刪除
  6. 廢援署公器私用,和公盟黨打籠通,亞公嘅錢齊齊分。
    今次真係要多謝借咪俊,否則廢援署會繼續側側膊,輸送利益。

    回覆刪除
    回覆
    1. 私用即係不私用、不私用即係私用、我嘢小市民大概係得個睇字而矣!

      刪除
  7. 有人以為自己係救世主,動輒入禀法庭,又申請法援,美其名為爭取公義,實際上浪費公帑。好似港珠澳大橋,因為有人覆核,結果工程拖延,無端端嘥咗唔少公帑。法庭有一份Restritive Order,禁止某些刁民濫用司法程序,浪費法庭人力物力。這次法援署的做法,我十分讚同。

    回覆刪除
    回覆
    1. 其實廢援署早就要有所行動架喇!現在做總比唔做好的。

      刪除