功夫睇得唔打得？

有隻羊牯扮老虎

被人打到冇晒符

人家日練早中晚

唯佢斷估冇辛苦

近日武林最熱門話題、就是綽號散打狂人“過氣嘅兩界散打王”頹料東只須數秒鐘便擊倒綽號按摩師嘅雷太極師傅。有人話、雷師傅在數秒鐘之內就被擊倒、證明龍的功夫只宜強身健體、不宜用作格鬥。但事實又係唔係咁樣嘅呢？恕在下不敢苟同。首先要講嘅就係、一名職業格鬥手平均每一天都要接受六粒鐘訓練、其中包括跑步、跳繩、埋樁、打沙包、肌肉鍛煉、對打、攻擊、反應、等劇烈運動、而一般業餘武術愛好者除咗訓練時間大大減少之外、並且須要花很多時間在拳術套路練習方面。因此、無論在擂台經驗、氣力、格鬥技術等各方面而言、一個業餘武術愛好者絕不可能跟一名職業拳手相提並論的。之但係、如果咁就話龍的功夫不宜用作格鬥、只屬盲巫講瞎話而矣！

對於一個長期接受武術套路訓練、而未曾接受過散打訓練嘅學員來說、武術只能算是一種強身健體嘅運動。相反地、一名長期接受散打鍛練嘅學員、即使不曾接受過拳術套路訓練、也能將所學到的格鬥技術發揮得淋漓盡致、並且將對手擊倒。由此可見、打擂台是講求殺傷力、跟功夫並無直接關連。因此說功夫只是一門不堪一擊的花拳繡腿玩意、係完全冇根據的。注於功夫嘅殺傷力如何、完全是發揮者所接受過嘅訓練來決定的。拳術套路係龍的功夫嘅基礎、每一招、每一式都嚴格要求腰、胯、馬嘅運用、套路越練習得好、功夫基礎就越好。若再加上適當嘅散打和力氣上嘅鍵練、快、準、狠就會出現、而勁、力、氣亦能夠發揮自如。試問經過這麼樣嚴格訓練出來嘅一個功夫拳手、誰能將之秒殺？君不見在國際散打擂台上曾經出現過不少冠軍級人馬、其中包括某某少林武僧、都是憑着一身龍的功夫打出來的嗎？