2017年5月24日星期三

落格 資格 賤格



常無落格由官審
翰菅拼命把詩吟
借助番邦來保帥
免除濕滯臭史𢫏

一個將皮佬𡅏嘅鬥委費落格、另一個則阻礙公堂主持公道。嗱、呢類咁醜陋嘅戲大概只有在罪惡城才能見到得。話說、垃圾尊貴常無被(涉嫌私吞鬥委費廿五萬両白銀)單畸屎㘉濕身而被押上公堂受審、份屬米旗佬嘅“馭用”大狀師李翰菅充當常無辦護人。李翰菅引用“祖家”法例指出、公堂無資格審理呢單畸屎。原因就係、垃圾會尊貴嘅言行是受到垃圾會條例保障。因此李翰菅認為垃圾會事應該由垃圾會處理。按照李翰菅所講、原來垃圾會尊貴觸犯刑法、公堂就是審不得的。咁就奇怪嘞、眾所周知、帶頭報巡捕房、以及報清天衙門嘅人就是反盟垃圾會尊貴、連常無本人都有份架!現在輪到亂制發圍“報寸”拉人、反盟就將“垃圾會事、垃圾會理”擺上台。咁搞法、法律面前又焉能是人人平等?!

當今垃圾會雖是藏污納垢兼𠲖嘩鬼叫之地、但始終唔係罪犯避難天堂。當日高呼、法律面前人人平等、又經常將“公平、公開、公正”掛在嘴邊而成功入人以罪嘅反盟、竟然以今天的他、打倒昨天的他。喂喂喂、阿哥、阿姐、你哋係咪自己失億、就想博全世界都跟埋你哋一齊失億呀?唔好玩啦!當下反盟嘅垃圾會尊貴唔係正在佔據着道德制高點、大聲疾呼要入阿狼以罪嘅咩?由其是那名被阿狼指控“既係原告、又係被告、亦曾經嘗試跟阿狼作枱底交易”嘅鬼槍涼、還不是死都唔肯放棄屠狼委員會嘅鬥委資格咩?試問垃圾會那裡還有公平、公開、公正可言?哦、加陣發覺常無單畸屎跟皮佬𡅏𠸎𠹌、就驚死㘉顯佢個身、於是乎就捩橫折曲替皮肥𡅏遮風擋雨、企圖將單畸屎交由垃圾會乜乜授受咁話啦!係嘛?!呢嗱、咪話在下幸災樂禍、如果咁都得嘅話、真係要擺番一百幾十圍𠸎班街坊慶賀一吓“罪惡城已經到咗名副其實嘅境界”至得喇!

20 則留言:

  1. ╔═════╗💕°¨°💗
    ║░═══░║💙*¨`*•💚
    ╚═════╝╔═╩═╗💖•*💘
    ░══╬══░⊹╬╬⊹¨`*💛
    ░░░║░░░⊹╚╬═💜⊹💞
    ❥*¨❣時刻開心萬事得🎈.¸¸♥。゚♡
    🎄齊齊都過得歡樂精彩。゚✾💒🌲🏠🌳
    ❉ღೋ🌴🏡🌵*¨*╠╣aΡpy週三ഐ❤
    🌀好友☔・゚⚡早晨☕午安好🐺黃昏&傍晚好
    🌂回覆完大家我出門玩貓🐈行街市買餸菜🐾

    回覆刪除
  2. 真好似細路仔玩泥沙,兒嬉!
    再係咁,喺垃圾會殺人都得啦?

    回覆刪除
    回覆
    1. 冇辦法、皆因咱家垃圾會確係名副其實嘅垃圾會嚟架!

      刪除
  3. 東方之珠變為罪惡城,真係獻世咯!
    這幾年被班大妖細妖攪到香江變成混醬港,特產“汗奸”,前世唔修喔!

    回覆刪除
    回覆
    1. 咱家嘅「東方之珠」早就變咗「東荒之豬」好耐喇!

      刪除
  4. 動物莊園有云:「所有動物生而平等,但有些動物比其他動物更平等!」
    在罪惡城當然是反盟垃圾會尊貴,比其他人更平等啦!

    回覆刪除
    回覆
    1. 反盟當然平等、因為他們用行動證明比廾一八黨嘅平等更加平等。

      刪除
  5. 一經患上政治上腦症候群,患者就會語無論次,癲倒黑白,指鹿為馬。繼痰耀中之後,又多個你柱冥!保皇黨如是,泛民亦不遑多讓!

    回覆刪除
    回覆
    1. 左有左黑、中有中黑、右有右黑、咱家紫荊城政壇果然係公平、公開、公正咯、只有班街坊當上冤大頭而矣!

      刪除
  6. 特首又貪,傳媒又貪,議員又貪,香港好快就會追貼大陸,成為天下一大貪。👍👍☝

    回覆刪除
    回覆
    1. 話就話、成功係講求根基、但上梁不正、下梁便歪。所以話啫、一隻手掌是拍不響的。

      刪除
  7. 一局兄、認真對不起、在下一時失手把你的留言「洗咗」去。請大兄多多原諒!

    你說的對、「懂落格、買資格、夠賤格」係政棍老本行。正正因為這三位一體之故、紫荊城就永無寧日咯!

    回覆刪除
    回覆
    1. 域兄
      無心手快
      不必介意
      上文提及正如有些自以為可以扮尊貴的人
      不惜親富豪
      裝土豪
      自己也就變成上流傢伙
      其實他們面紗背後
      很多賺回來都是不義之財

      刪除
    2. 一局兄說得對、當下本城政棍就是這種人。

      刪除