2017年5月17日星期三

醜陋不堪



臭味不相投
原因是世仇
余污汝亦穢
難以共一舟

反盟揸住香主阿狼有股份嘅「帶甩羊行」跟米旗佬嘅「呃稿公司」的一宗錢銀交易死纏爛打、並在垃圾會成立了一個屠狼大會、準備將阿狼送到大祠堂與啱僧和虛詩人合唱鐵窗雄淚。日前反盟指控、問卷聯老二兜老頂向屠狼大會提交有關報告之前、秘密與阿狼夾口供。大撞幫老大戇Q羊直指兜老頂係阿狼嘅無間道、理應引咎辭去屠狼委員之職。亂制派嘅緊腰可亦指出、公開文件嘅屠委已經違反保密協議、也應該馬上辭職。但阿狼卻直認曾就報告內容提供意見、並形容他的參與只要是向屠狼大會提供更多資料、好讓大會能夠擴大其調查範圍而矣!換言之、阿狼只係幫助屠狼大會追殺自己、而無出蠱惑之意嘅。

講開又講、垃圾尊貴講嘢向來都係“駟馬唔追”嘅、信用呢家嘢不提也罷!之但係、公職人員係必須要擁有靠得住嘅品德才能服眾。因此、凡是涉嫌出蠱惑者、都應該受到懲處。既然阿狼涉嫌在個人利益上有所隱瞞、那就應該認真細查。所謂有罪則罰、無罪則免、絕不可以姑息的。同樣地、早前傳媒廣泛披露多份文件、顯示白鴨幫嘅近身桃、大撞幫嘅烈女樁、涼茶杰、前大撞幫成員淨盲巫、丐幫嘅無常、攻幫嘅剢人里等垃圾尊貴、涉嫌收受由皮佬𡅏代花家支付嘅銀両、亦應該徹查。如果屬實嘅話、一個都不能放過。但奇就奇在、呢灘水濺來濺去、除咗常無被㘉濕身之外、其他人連衫角都未被沾濕過。老實講、呢類令大眾嘅疑惑嘅畸屎一日未能得以澄清、人們就無信任法治。若要釋除大眾對法治上嘅疑慮、第一件事就係要拿出“法治面前、人人平等”嘅實事出嚟見街坊。否則一直纏擾着人心的那個“政治駕馭法治”嘅陰影是永遠揮之不去的。當人們對法治完全失去信心嘅時候、莫講話揸拂堂威信盡毀、即使係社會上嘅一切都會被視為不靠譜、到時必定車毀人亡。須知到、那個則則膊唔多覺、靠老點街坊呃飯食嘅日子已經一去不返。經歷咗廿載政治洗禮嘅紫荊人、當下須要嘅就係實事求是、而非奸人論事。因此無論是政棍抑或揸拂人都休想博大霧。

15 則留言:

  1. 都唔知點解,呢個社會真係好善良,給那班友仔顛倒法治,搞到一鑊泡,都冇幾多個人去反對!

    回覆刪除
    回覆
    1. 呢個問題並非三言兩語可以講得清楚。總言之、一方早蓄謀已久、而另一方急起直追。但可惜、其中一方用人不當而矣!

      刪除
  2. 淨係呢班野,攪攪震,未見過佢哋攪的好野畀大家睇吓!

    回覆刪除
    回覆
    1. 妳睇到嘅劣戲、就係佢哋嘅好戲喇!

      刪除
  3. 好友☁是時候瞓覺🌜甜夢🌛💤
    ✨我還要早睡早起🌟去睇神公🌙

    回覆刪除
  4. 將阿狼送到大祠堂與啱僧和虛詩人合唱鐵窗雄淚。

    回覆刪除
  5. 收受過花旗通過商人,神職人員派發金錢的“假炆煮派”,借頭借路攪亂社會秩序,放火、傷人!應要通通都關進監獄去。

    回覆刪除
    回覆
    1. 執法和司法部門都應該依法例辦事、實在不應受政治牽制的。

      刪除
  6. 係囉,點解官府和亂制派都任人追殺,只係推擋而絕不還手,收皮佬禮銀両嘅事,就大家都當冇事發生咁喎。

    回覆刪除
    回覆
    1. 官員與政棍嘅分別就係、官員只能效忠一主、而政棍就無須受到這約束、所以能吃百家茶禮。因此、政棍表面上各為其主、但當中嘅箇中利益嘅複雜是不為外人道的。

      刪除
  7. 域兄晚上好,
    有關 “法治面前、人人平等” 呢樣嘢,係人都知係講一套,做一套架啦,真係信佢一成都雙目失明呀,

    衙門八字開
    無錢莫進來
    道理由佢定
    平民喊哀哉

    回覆刪除
    回覆
    1. 華娃兄午安、
      就係如你所言一樣、所以社會上才會有矛盾。

      幫理不幫親
      究竟幾成真
      無人出蠱惑
      那會有紛爭

      刪除
  8. 你做初一,我做十五! 我唔相信保皇黨會放過泛民,不過苦無證據啫!

    回覆刪除
    回覆
    1. 官埸既有官官相衛、政壇當然亦有政政相關。有啲嘢唔使講、大眾都心知肚明。問題是個人觀感個個不同、才會有不同結論而矣!

      刪除