人人得而插之

黃亂揚開檔爛攤

人之本善盡玩殘

八面鋒芒無一是

以非為是冚家奸

呢嗱、近日戇癡瘋在一個支持同志言討會碰上他的老爸（反同志組吹雞人）戇佬鳴。在討論其間、痴瘋多次直呼其父名字、以及指責他唔止剝削同志結婚和入住燶屋嘅機會、甚至連同志爭取配偶骨灰龕位嘅權利都要抹殺、實在係令人乜乜。嗱、正當戇家嘅親朋戚友大罵痴瘋反骨之際、佢條㕲嘴居然跑到架仔屋企（倭家）參加反宗屠龍大會、仲話唔會嘥咗花大叔送畀佢黃遮嘅一番期望、定會繼續宏揚逢宗必反嘅精神喎！此子認花大叔做契老竇、認事頭婆做契老母都唔在講嘞、現在竟然跑去“曾經毀龍族家園、殺龍族同胞而不認賬”嘅倭家、趴低𦧲住要做安屁嘅契弟、都可謂“貝戔九木各”到極咯。戇家出咗呢個二五仔、都可謂家門之大幸矣！

結構真係冇問題？

呢群瞀里太狼胎

掠水掠到上神台

貪到神憎鬼亦厭

紫城不幸嘆哀哉

一波三折嘅講豬馬大檢近日又出事了！據青天部透露、已經有十多廿名涉嫌偽造大橋石屎結構報告嘅人士被捕。揸拂堂代表亦發出聲明、聲稱已經仔細檢驗過大橋結構、證實大橋結構是符合安全標準嘅喎！但在下聽完之後就越諗越驚、人家青天部呢頭公布拉人、嗰頭揸拂堂唔止話此事與承辦商和監察部門無連、仲話大橋結構並無安全性問題。話口未完就有些甚麼專家學者等人跳出來講、打石屎槍抽查石屎硬道是靠得住的。喂、阿哥、除咗測試石屎硬度之外、還要查驗剛根嘅數目是否不足和粗幼是否達標、才能算得上是符合安全架！知冇？坦白講、如果冇人喺呢單嘢裡面“吞金滅餸”嘅話、嗰班友又使乜咁冒險造假賬？但願呢單嘢只屬偷工而非減料、如兩者都係嘅話、咁就大件事矣！

落格 資格 賤格

常無落格由官審

翰菅拼命把詩吟

借助番邦來保帥

免除濕滯臭史𢫏

一個將皮佬𡅏嘅鬥委費落格、另一個則阻礙公堂主持公道。嗱、呢類咁醜陋嘅戲大概只有在罪惡城才能見到得。話說、垃圾尊貴常無被（涉嫌私吞鬥委費廿五萬両白銀）單畸屎㘉濕身而被押上公堂受審、份屬米旗佬嘅“馭用”大狀師李翰菅充當常無辦護人。李翰菅引用“祖家”法例指出、公堂無資格審理呢單畸屎。原因就係、垃圾會尊貴嘅言行是受到垃圾會條例保障。因此李翰菅認為垃圾會事應該由垃圾會處理。按照李翰菅所講、原來垃圾會尊貴觸犯刑法、公堂就是審不得的。咁就奇怪嘞、眾所周知、帶頭報巡捕房、以及報清天衙門嘅人就是反盟垃圾會尊貴、連常無本人都有份架！現在輪到亂制發圍“報寸”拉人、反盟就將“垃圾會事、垃圾會理”擺上台。咁搞法、法律面前又焉能是人人平等？！

誰說不是職務

常無開會搶密件

被人告到嘴扁扁

幫人遇上兜心撞

監房大俠佢當選

路邊社報導、常無被指控在垃圾堂辯論「橫兜事件」期間、忽然跑到發錢部老大撬牆馬面前搶走他的內功秘笈、然後交給橫兜鬥委豬八萬查閱。事後有人投訴而導致常無被有關方面以「冇大冇細」之罪控於公堂。聽聞話、常無辯稱當時他只不過是執行職務、並堅決認為自己冇有錯。有人質問常無是否認為強搶人家嘅內功秘笈就是職責嗎？嗱、咪話在下偏幫常無、我總覺得呢個問題真係問都多餘嘅。試問、當時常無若不是執行職務、難道是得閒過頭搵嘢嚟搞咩？須知到、常無之所以被捧為垃圾尊貴、無非是擁躉須要他在垃圾堂搗亂。因此、如果他不盡其搗亂之能事去搞亂垃圾堂檔攤嘅話、又焉能滿足支持者嘅要求呢、吓？！

犯賤

垃圾扮花妲

睇到眼坦坦

無事喊柴台

遲早冚包散

早幾日前、有數十名聲稱是來自“珍惜晨早”嘅示威者、集體在垃圾堂大門外示威、抗議垃圾尊貴白鴨桃周不時窒頭窒勢打壓捕快權責、並將“姦劫疑犯在臭格掛蠟鴨”單畸屎與捕快搜身權被打壓拉到因果層面之上去、然後又再跑到巡捕房門外抗議總捕頭no way沖領導無方、搞到班捕快做起嘢嚟人人捋手捋腳、個個驚死上身、以致程序甩漏益疑犯。按此情形看來、珍惜晨早班人似乎係有一箭射雙鵰之意喎！

醜陋不堪

臭味不相投

原因是世仇

余污汝亦穢

難以共一舟

反盟揸住香主阿狼有股份嘅「帶甩羊行」跟米旗佬嘅「呃稿公司」的一宗錢銀交易死纏爛打、並在垃圾會成立了一個屠狼大會、準備將阿狼送到大祠堂與啱僧和虛詩人合唱鐵窗雄淚。日前反盟指控、問卷聯老二兜老頂向屠狼大會提交有關報告之前、秘密與阿狼夾口供。大撞幫老大戇Q羊直指兜老頂係阿狼嘅無間道、理應引咎辭去屠狼委員之職。亂制派嘅緊腰可亦指出、公開文件嘅屠委已經違反保密協議、也應該馬上辭職。但阿狼卻直認曾就報告內容提供意見、並形容他的參與只要是向屠狼大會提供更多資料、好讓大會能夠擴大其調查範圍而矣！換言之、阿狼只係幫助屠狼大會追殺自己、而無出蠱惑之意嘅。

豬妖現形記

你說我奸不是奸

裡外聯手鬧一番

紫荊有難無關我

樂見香江續漸殘

俗語有講「路遙知馬力、日久見人心」真係一啲都冇錯嘅。有人處心積慮以民生鬥士姿態贏得八萬個like而踩上青雲路。誰知某君一登龍門便露出一副漢奸相來。繼小漢奸戇痴瘋早前在花家主辦嘅「唱衰金紫荊」聽症會大放厥辭、指紫荊城自治權被紅家會侵佔、當下嘅一梯兩伙被侵蝕到只剩下1.5伙之後、又輪到反對收地組悍將豬八萬（隸屬花家駐本城二五集團首腦布冧葉麾下）在垃圾堂上妖言惑眾、誣陷紅家會利用「阿頭行」去收買小家族、目的是霸佔藍海島嶼作為對抗花家嘅軍事基地。豬八萬試圖將整個垃圾堂拖落水、指稱垃圾堂批評紅家會以大欺少乃係天公地義之事。

由馬蛟城被讚講起

你既開言我聽之

全心造反懶修辭

今日馬城終獲讚

紫城往後眾皆輸

日前紅家會三當家（紅老三）雙失江南下馬蛟城、高度肯定「落實廿三兜、落實龍的教育、落實行企主導」三大方面嘅成績、並讚揚香主吹水安領導有方、使得馬蛟堂業務蒸蒸日上。嗱、咪話在下又危言聳聽。在逢宗必反嘅角度嚟睇、馬蛟城被紅家會肯定等同民主大災難。但無論如何、花大叔係唔會為馬蛟城呢個曾經被葡撻佬（與花家無𠸎無𠹌）佔據過嘅地頭而浪費資源、但會全力栽培米旗佬（與花家有血緣關係）曾經擁有過嘅地頭紫荊城。究竟這反映出些甚麼來呢？講穿咗、無非是紫荊城潛藏着嘅反紅勢力並唔係馬蛟城所能及的、與民主不民主基本上毫無關係。講得白一些、即係話民主是假的、反紅才是真的。

妖蜓預告

妖蜓死不僵

最叻係中傷

行前播陰毒

背後有雞𡁷

反盟軍師大妖蜓近日又有新搞作、並大言不慚的說、將會在下屆細圈選委會奪取超過50%議席。嗱、咁講法即係話明、反盟是打着民主旗號騙取街坊支持、而佢哋就闖入其口中嘅特權小圈子裡面搵着數。在下並無亂噏廿四架、反盟嘴巴一直唱衰細圈、但在參與方面卻比誰都來得更加踴躍。上次在揸拂堂香主擂台爭霸戰推出嘅「皂王計劃」如是、今次嘅「未本預告」亦如是。但單憑反盟嘅力量、莫講話不足以在細圈奮取愈半數凳仔、就算要踏入人家門口、恐怕也要先睇吓亂制派嘅面色啦！係嘛？！大妖蜓今次咁大口氣、究竟嘅底氣是從何而來的呢？

功夫睇得唔打得？

有隻羊牯扮老虎

被人打到冇晒符

人家日練早中晚

唯佢斷估冇辛苦

近日武林最熱門話題、就是綽號散打狂人“過氣嘅兩界散打王”頹料東只須數秒鐘便擊倒綽號按摩師嘅雷太極師傅。有人話、雷師傅在數秒鐘之內就被擊倒、證明龍的功夫只宜強身健體、不宜用作格鬥。但事實又係唔係咁樣嘅呢？恕在下不敢苟同。首先要講嘅就係、一名職業格鬥手平均每一天都要接受六粒鐘訓練、其中包括跑步、跳繩、埋樁、打沙包、肌肉鍛煉、對打、攻擊、反應、等劇烈運動、而一般業餘武術愛好者除咗訓練時間大大減少之外、並且須要花很多時間在拳術套路練習方面。因此、無論在擂台經驗、氣力、格鬥技術等各方面而言、一個業餘武術愛好者絕不可能跟一名職業拳手相提並論的。之但係、如果咁就話龍的功夫不宜用作格鬥、只屬盲巫講瞎話而矣！

盲巫講瞎話

呢鋪搞正邪

兜圈鬧阿爺

全盤大否決

笑中放毒蛇

日前從大圈來嘅兩名所謂歸本法專家嘅學棍、天蜚隆和亡命徒、公開在本城管治和政策上指手劃腳。綜合兩人所講、大概係：（一）候任香主應該靈活地去跟總舵主捉棋；（二）紅家會必放棄行政主導、而轉向重視垃圾堂和公堂；（三）不要偏聽架忌冷講話、多聽垃圾尊貴和判官意見；（四）不應將支持依法施政視作為支持香主施政；（五）不應依賴香主推行政策來凸顯紅家會嘅存在；（六）紅家會應該定下準則、防止“識法”被濫用；（七）無須要洗年輕人個腦、而係要令到佢哋自動自覺去認識大圈。

冇齣好戲

橋到盡時又翻閹

總知做到禮義廉

無奈勢成水火格

紫城內望冇前瞻

相信係人都睇得出、反盟頻頻喊重啟「症治改革」和重新開放佢哋口中嘅「聞煮講場」、即係揸拂堂大樓東翼的那塊空地、目的就是為「二戰」做準備工作。江湖流傳、過氣番督肥彭、唱衰班成員買田李、陳四姑、以及戇痴瘋等人奉花大叔之命到花家出席「唱衰金紫荊」聽症會。傳聞亦顯示、花大叔將會派人跑到金紫荊大歸廿周年慶祝酒會門外擺設馬桶陣、並以集體開大為紅家會助㷫。聞說戇痴瘋將會被捧為「二戰」主角。所謂食粥食水就要睇呢一鋪、相信戇痴瘋今次唔會再揸流攤啩！可惜紫荊人被「一戰」嚇得人人膽戰、個個心驚、冇鞋拖屐走。因此在下相信、在正常情況下「二戰」未必能夠收個滿堂紅矣！

難民禍講

爛民大劈友

劈到你門口

街坊震勝騰

有氣冇埞唞

大前晚夜、印仔和巴仔兩幫人馬（約半百人）在深火埗嘅豐樹雞球場展開大廝殺、當捕快掩至雙方人馬早已作鳥獸散、只遺留着一灘灘血跡、玻璃碎片、以及一些疑似武器嘅物件在地上。其實男亞爛民劈友事件已經不是新聞、由其是在酒巴區附近亦屢見不鮮。呢嗱、如果亂制派政棍係齊心嘅話、單憑反盟之力難以否決揸拂堂提出嘅修改爛民政策。可惜在垃圾堂政棍互掹貓尼之下、揸拂堂提出嘅政策就此被摧毀、以致情況越來越失控。今次嘅大廝殺是歷來參與人數最多的一次、街坊擔心禍及無辜是可以理解的。當前環境就係、爛民鬧殺氣、政棍扯貓尾、街坊困愁城、狀館發到痺。