寬己嚴人

雖無過犯面可憎

呢班瞀里確低能

張人醜事遮己過

無恥核突更撩𠹌

白鴨幫幫主胡扯喂日前在垃圾堂提出、揸拂堂香主狼鷹表現不合格、故在餘下任期內不得拿薪水。拳頭幫長老童智泉認為應該削減香主近身開支、因嗰班人冇協助香主與反盟搞好關係喎！呢嗱、早前胡扯喂提出以「撕法公正」去換取香主向黃亂黨羽頒發一道「免罰令」而被全城鬧爆之後唔淨止冇引咎下台、現在還要指責香主辦事不力、都可謂厚顏到連佢阿媽都冇眼睇咯！嗱、呢啲咪就係反盟中人寬己嚴人嘅鐵證嚟囉！講到童智泉就更加無聊、試問佢憑啥去判斷香主近身嘅工作表現呢？呢班友鬧出咁多低能笑話來、唔通垃圾會真係冇其它正經事可以去做嘅咩？

話口來完、垃圾尊貴儸三七又發開口夢、佢話刑堂開審九名於去年「反色髮」而衝擊西廠嘅疑犯、係揸拂堂打壓異己者喎！喂喂、哥哥仔、乜你未聽過「食得鹹魚止得渴」呢句俗語嘅咩？早知今日驚成咁、當初又做乜要逞英雄？本來以為選呢類“成熟不足、幼稚有餘”嘅少爺仔出嚟做淫民代表、真係唔知講乜嘢好嘞。殊不知老餅近身桃鬧得更不堪。桃姐話、揸拂堂同時緝拿支那男女和九暴男、目的是要嚇窒黃衛兵、從而令佢哋唔敢參加今年七一大遊街喎！喂喂、桃姐、如果揸拂堂要靠嚇、點解唔在五月或六月先至喐佢哋？由現在等三個多月、乜都攤凍晒啦、仲有個屁遏阻作用咩！唔通佢忙記咗罪惡城街坊特式、就係凡事只得三分鐘熱度嘅？其實桃姐之所以提前撒賴、無非是替七一大遊街打定輸數之嘛！現在嘅問題係、點解罪惡城垃圾尊貴冇個似人樣嘅呢？恕在下大膽講句、一日都係本城街坊自己搬起石頭抌自己對腳之故。人是自己揀嘅、還能怨得誰？大歸整整廿年、罪惡城就亂足廿年。打從倒懵、戰中、怒火開年、以至剛完成嘅小圈大擂台之戰嘅過程之中、大家都可以認識到、反盟玩政治根本上唔係紅家會嗰皮。理由好簡單、自從白鴨幫元老私屠華歸西之後反盟便失去靈魂、甚至連方向都失去了！否則又點會話、由當初獲得街坊掌聲、而演變成當下獲得街坊媽聲？反盟今日之所以搞到聲盟狼藉、完全係由於佢哋“眼光狹窄、驕橫自大、寬己嚴人、言行不一”四大因素所造成、一切皆是業由自作。明白未？