2017年4月21日 星期五

肥仔恩大的智慧?


喪普狂時肥恩癲
兩條瞀里鬥出千
呢鋪比人食夾棍
究竟誰在暗攻堅

呢嗱、花奇新大佬喪普先炸聚利罅、再炸柯庫汗、顯然係做畀總舵主和肥仔恩睇、以收先聲奪人之效。然而、肥仔恩似驚都未驚過、如期進行導彈試射。可惜當導彈射出後五秒鐘就爆炸、搞到食詐餬收場。江湖有人跳出來講、導彈試射失敗乃係肥仔恩嘅大智慧嚟喎!其意思大概是指肥仔恩成功表現出不怕喪普恐嚇、又唔使令到民眾以為自己怕死而縮沙、更重要就係花奇冇藉口掟炸彈。但問題係、導彈射出五秒鐘就爆炸是件十分危險的事。因為爆炸距離試射現場實在大近了!如果要做假、點解唔較到三十秒、四十秒、甚至一分鐘才爆呢?基本上、在下睇唔到有何跡象顯示肥仔恩係怕喪普嘅囉!

講起喪普就更加弔詭、其麾下核動力航母「垮已民心號」根本上冇到過東海、有關方面卻大造新聞指戰鬥群已在該區候命開火、並暗示亞洲當時有三個航母戰鬥群在集結、水底水面艦艇合共二十多艘、戰機超過兩百架、大有殺雞用牛刀之勢、不過喪普本人卻放假打「哥苦」去了!當朝仙導彈試射失敗之後、花奇方面就立即發聲話、既然肥仔恩唔係玩核爆就不必理會喎!究竟呢句嘢係講畀邊個聽嘅呢?咪話我又發放陰謀論、我覺得今次喪普放流料、除咗嚇肥仔恩之外、還要試水溫。他已經試出高麗怯戰、亦試出架仔想趁勢加強軍力、而肥仔恩方面更加唔係如傳說般的專登食詐餬。坦白講、花奇是知到、如事先未得到準確情報、是無冇可能在別家導彈射出短短五秒鐘之內、就追測到其參數以及引爆。照情形睇、大概係肥仔恩身邊嘅無間道暗中將飛彈參數事先泄漏給某一方、故此當導彈剛射出五秒就被人家引爆。某一方之所以咁做、就係要讓肥仔恩認識到、導彈剛射出便爆炸背後嘅意思、以示核彈雖然是扶手棍、但同時亦係攞命籐。雖然呢單嘢表面上看來風平浪靜、但在下相信肥仔恩已經嬲到震。打從肥仔恩罕有的拒絕接見某一方派出嘅代表看來、他已經猜到是誰引爆導彈的。正因為肥仔恩剛剛才知到、自己並非想象中的那麼安全、相信無須幾日、他就會發爛渣、有殺錯、冇放過、斬到遍地都係人頭架喇!等着瞧吧!

19 則留言:

  1. 肥仔身邊嘅親信,對伴住呢隻老虎仔都幾頭痛,因為有乜差錯,分分鐘人頭落地!所以呃住肥仔恩,講到自己國家武器幾咁先進,隨時可以將核彈射去花旗,將紐約炸個稀巴爛!故此肥仔有恃無恐,以為無中國撑都OK!我估呢次試射失敗,肯定有官員人頭落地。

    回覆刪除
    回覆
    1. 金家當正自己係帝皇之家、由子孫承繼帝位、誰敢有異之即死。不過今時唔同往日、呢個皇朝睇怕唔會太襟躉架喇!

      刪除
  2. 回覆
    1. 對呀、世事本來就是高深莫測。

      刪除
  3. 似瘋又唔瘋,似痴又唔痴,痴痴瘋瘋其實都是一場戲!

    回覆刪除
  4. 喪普肥恩癲 兩瞀里鬥千
    比人食夾棍 誰在暗攻堅

    回覆刪除
    回覆
    1. 喪肥癲 兩鬥千
      食夾棍 暗攻堅

      刪除
  5. 我諗而家被玩的是日韓,打唔係唔打又唔係。講真,覺得喪普的攻心計都算幾耍得!

    回覆刪除
    回覆
    1. 今次喪普是老點肥恩、並在有意無意之間焫埋兩條門口狗、搏得紙老虎稱號。若他趁機使出一招回馬槍、咁就真係杰撻撻咯!

      刪除
  6. 花家是個出售武器謀利的國家,所以到挑起戰雲,使武器的銷售量大增,佢就可以奇貨可居了。
    攻打柯庫汗、依拉黑、聚利亞,和沙鵝火拚,殺個日明無光,最怕的是見人家和談,正黑心鬼!

    回覆刪除
    回覆
    1. 更正:1.到“處”挑起戰雲; 2.殺個日“月”無光。

      刪除
    2. 花奇新大佬嫌賣武器搵得小、所以在增加保護費之餘、還要在貿易方面迫使盟邦讓步、實行獨肥也。

      刪除
  7. 花奇新大佬喪普炸聚利罅,目標觀眾係其他花奇人,要借呢單野和鵝羅絲劃條界線,在國會內自救。
    至於肥仔恩就冇得揀喇,唔反抗就只有死路一條。喪普好似發覺到趕狗入窮巷唔太著數,朝仙唔係聚利罅,去到太盡真係會撼花瓷器架,最近都改左口話不尋求推翻平壤政權喎。

    回覆刪除
    回覆
    1. 依我睇、除非金氏政權全倒、才有機會令到朝仙半島無核化、否則連諗都唔使諗。因此結果只有一個、那就是....

      刪除
  8. 週末╠╣aΡpy天天都向快樂進前
    ╔══╗────╔╗ ╔═╦╦╗─╔╗╔╗🌟
    ║╔═╬═╦═╦╝║ ║║║╠╬═╣╚╣╚╗
    ║╚╗║╬║╬║╬║ ║║║║║╬║║║╔╣✬
    ╚══╩═╩═╩═╝ ╚╩═╩╬╗╠╩╩═╝
    ────────── ────╚═╝✨☆。。゚★
    ╔═╦═╗── ╔══╗╔╗─────╔╗¨*
    ║║║║╠╦╗ ║═╦╬╬╬═╦═╦╦╝║
    ║║║║║║║ ║╔╣╔╣║╩╣║║║╬║・゚⊹
    ╚╩═╩╬╗║ ╚╝╚╝╚╩═╩╩═╩═╝
    ────╚═╝好友🌜係時候瞓覺喇🌛💤

    回覆刪除
    回覆
    1. 🌈好友⛅・゚🌞黃昏好&傍晚好喇喂☁*`☀
      ╔═╦═╗── ╔══╗╔╗─────╔╗💕
      ║║║║╠╦╗ ║═╦╬╬╬═╦═╦╦╝║∧∧・゚
      ║║║║║║║ ║╔╣╔╣║╩╣║║║╬║・ω・)
      ╚╩═╩╬╗║ ╚╝╚╝╚╩═╩╩═╩═╝⊂ノ
      ────╚═╝❉ღೋ*╠╣aΡpy週末✾ഐ❤
      我出門玩吓貓🐈行吓街🐾買吓野了...哈哈

      刪除
  9. 域兄晚上好,
    花旗成日撩是鬥非,如果,真係如果,肥仔抵唔住頸,佢又冇本事射枝核彈去到花旗咁遠,你估佢會點做呢?

    呢條特朗普
    心地唔多好
    門前舞棍棒
    日韓喊糟糕

    回覆刪除
    回覆
    1. 華娃兄午安、
      肥恩無須以核攻花奇、只要堅持擁核、花奇就閉翳到唔恨。因為花奇盟友必定要製核自保、到時花奇仲係唔係世保標、大概不言而喻。

      肥恩更老土
      專搞特喪普
      人皆喊擁核
      花奇便倒數

      刪除