沙包出冊

沙包出冊確堂皇

一眾花𡃁立兩旁

牢房小住添身價

水鬼妄想變城隍

被判入冊迫屋三十五日嘅舍工曾細牛（人稱沙包哥）今早出冊、佢班𡃁於大清早便在迫屋大門外兩旁列隊等候。沙包哥一步出迫屋祠堂時見到老記就馬上chok起個小生命苦look來、而且話當佢一入倉、就有人引領他坐上一張椅子上、有人在他肩膊上彼上黃色大毛巾、有人在他頭頂上戴上一個用黃色紙摺成嘅疑似后冠、有人遞給一枚太陽花當作為權杖、簡直當佢係「黃后」咁加冕喎！喂喂沙包哥、唔使咁㷫嘅喎、班倉友都只係同你玩吓、而且比起大教館班生番剝人兜褲蠟滴小和尚、又或是拎自己支私家棒出來㩧新生個頭、閣下已經幸運得多啦！知冇？

講開又講、如果唔係沙包哥自己爆出嚟、真係都唔知到祠堂玩新人居然比大教館玩新生來得更有文化和幽默嘅。難怪有咁多家長眼光光睇住自己仔女參加黃亂都唔理啦、原來佢哋早就打算將仔女交畀祠堂管教嘅。

話說回來、當沙包哥雙腳剛踏出迫屋祠堂就宣布、將會積極考慮參競逐加由支那男女留下來的兩個垃圾會尊貴遺缺。咁又係嘅、橫掂個躉花咗之後、想再搵過一份咁有「錢」途嘅工來做都唔係咁容易、倒不如爭個入息豐厚、有斧頭打、冇責任、冇風險、冇王管嘅全職政棍好過啦！之但係、以沙包哥過往嘅「瘋功畏績」看來、最駕勢嘅都只係上次「在捕快頭殼頂上施肥」嘅低層次玩意咁大把、力水自然係璺璺哋。況且那次嘅行為只能說是小數人贊賞、多數人憎惡。咁即票房唔高啦！試問一個毫無觀眾緣嘅演員、焉能擔大旗做主角嘅呢？依我睇、沙包哥應該趁後生仲有氣有力嘅時候、好好的去跟佢太佬曾大牛學習泥水、造木、掃漆罷啦！做三行起碼唔使憂三餐一宿吖嘛！