疑犯幫疑犯
當然冚包散
家醜爆出門
群奸眼坦坦
呢嗱、李瀚簡狀師替黃黨同志當辯護狀師、係同舟共濟嘅事嚟。點不知殺出一個甚麼陳掹旗嘅狀師、公開踢爆李瀚簡是涉案中人、仲指佢替黃亂疑犯辯護有利益衝突喎！經過陳掹旗咁樣一鬧、藍黨網民便食住上喊法政師出來解釋一下、點解咁都得。喂喂喂、各位街坊、稍安無燥。其實李瀚簡狀師只係為義氣而去幫班同志架咋！試問咁又干卿底事？在黃亂前夕、又係反盟班重心人物呼籲擁躉到舂區「飲」嘅、所以李瀚簡幫助班賴咗嘢嘅黃黨同志、亦係義不容辭嘅事嚟嘅。明冇？
講開又講、今次李瀚簡狀師以涉嫌帶罪之身、去替黃亂分子當辯護狀師、顯示大妖蜓在黃亂之前所謂嘅“罵不還口、打不還手、任拉、任抬、任鎖、有監便坐”只係用來𧨾啲後生仔女落屎氹嘅招數嚟架咋！此等食言如食菜之徒、信佢一成唔止雙目失明、直程係死咗都唔知發生乜嘢事。坦白講、嫌疑犯替嫌疑犯辯護、聽落又的確係慌謬咗啲嘅。嗱、咪被我估中呀、唔係個個落咗鑊嘅黃亂人士都咁好彩、獲得像李瀚簡呢類咁有雷氣嘅狀師義助架！呢啲唔可以講係過橋搊板、更加唔算係打完齋唔要和尚、而係義氣資源有限、關照唔到咁多閒人之嘛！吓、嗰啲冇義助嘅人點算？唓、仲使問嘅、既然昨日白鴨幫坐館胡扯喂（涉嫌黃亂分子之一）和大撞幫坐館戇Q羊兩人互掹貓尾、所提出嘅「妨礙司法大特赦」衰咗、咁就梗係洗淨個八月十五、準備入冊掹鐵枝啦！明冇？
罵不還口、打不還手、任拉、任抬、任鎖、有監便坐
回覆刪除罵還口、打還手....
刪除捱義氣，唔好講笑啦，我想應該係互送秋波，又或做秀俾其他人睇…
回覆刪除不過我會咁睇，有大狀幫的入罪判刑都可能會輕啲？
其實係扯貓尾搏甩身之作。
刪除講一套做又一套，好平常啫.最近一間食肆俾人踼爆，198任食龍蝦，結果有食客中計，叫咗5隻，俾酒樓屈咗成千銀，原來198任食一隻龍蝦，即係話隨你點樣食，可以蒸，烚，蚊，焗，或者燉都可以，不過，龍蝦都係得一隻。
回覆刪除紫荊城外表風光、內裡洪荒、真係無衰不有。
刪除「妨礙司法大特赦」佢自己白痴好啦！咪當人人都係白痴！
回覆刪除可惜偏偏有人盲從附和。
刪除當初大妖打住“和平示威”嘅口號，呃班後生仔女上前線，佢就遠觀看好戲! 派錢將和平升級變成暴亂，於是更多人追捧。 如今累死班盲樁樁嘅後生仔女，原來干犯咗暴動罪。唔洗定個八月十五入冊都好難了。
回覆刪除有咁嘅政棍、就有咁嘅擁躉、所以矛盾才會繼續。
刪除精人出口，笨人出手，古有名言。
回覆刪除食完龍蝦要找數，咁玩完暴動呢Ｄ咁難得嘅野，當然應該找數啦。
可惜世上太多口爽荷包立嘅人。
刪除