2017年4月18日星期二

自曝其醜



政壇多妖怪
甩底拒還債
無事稱英雄
走佬佢最快

反盟班友都可謂醜陋到冇人有、甚至連生佢哋出嚟阿媽都唔肯認佢哋咯!吓、點解?之唔係佢哋嘅醜陋之心路人皆見囉!件事係咁嘅、剛剛白鴨幫嘅胡扯喂提議、喊新阿頭出面運用特權赦免七景所犯嘅罪囉!可惜係人都睇得出、佢哋絕對唔會咁好死替七景求情嘅。基本上連阿茂都知到、嗰班友係想藉赦免七景而帶挈埋黃亂班搞手免受牢獄之苦。當時大撞幫嘅戇Q羊都有份附和、仲話呢啲係揸拂當局願意大和解嘅誠意嚟𠻹。之但係、被滿腔熱血嘅烈女妝當頭棒喝、不得以法治去換取政治妥協嘅。由此看來、反盟總算出咗一個像烈女妝咁樣嘅女中豪傑。但可惜吖、呢種咁有承擔嘅人、在當今政壇上委實太過稀有喇!否則罪惡城政壇上就唔會有咁多垃圾啦!

在黃亂暴發之前、大妖蜓對住公仔箱講過、佢哋搞嘅係和平示威、而且聲稱將會任拉、任抬、任鎖、罵不過口、打不還手、有監齊坐。殊不知當黃亂一開始、除咗「有監便坐」之外、以其餘有諾言全部被佢食晒落肚。黃衛兵一開始就喊打喊殺、以自製武器不斷衝擊執法人員、搗毀公家設施、撞冧垃圾會外吓柵欄和撞爛大門、辱罵和抹黑捕快、向捕快掟硬物、甚至有人在高處向捕快潑尿、公然違反禁制令等。幸好社會上嘅沉默大多數終於忍唔住發聲譴責暴力行為、黃亂終於在犯眾憎之下無法再撐下去而黯然摺埋。現在反盟居然使出條咁嘅屎橋、企圖擺脫牢獄之苦、分明係連最後嘅諾言「有監便坐」都監生吞埋嘅啫!呢類所謂民主鬥士、原來亦只不過係背信棄義、敢做而不敢負責嘅弱雞嚟、今次都可謂自揭其醜喇!


17 則留言:

  1. 說得好!「在黃亂暴發之前、大妖蜓對住公仔箱講過、佢哋搞嘅係和平示威、而且聲稱將會任拉、任抬、任鎖、罵不過口、打不還手、有監齊坐。」現在如何? 眼見要鎖到面前,才情急放出風聲,佯作大方放過七警,實情想換取自身的逍遙,不致於身陷牢籠。什麼公民抗命,竟然翻起一場暴動! 害死嗰啲學生盲毛,已被判罪成。

    回覆刪除
    回覆
    1. 三醜在眾怒未爆發前、話自己係涉案中人而拒絕對「特赦論」置評。但在眾怒爆發之後就公開講、以特赦交換政治係行唔通嘅喎!呢啲咪就係「精甩辮」囉!

      刪除
    2. 一直都係有佢講,不理人講。如今眾怒難犯,噉咪褪呔囉。真係「精甩辮」呀。
      當日明明只係佔中表達訴求,但係佔中者不准車輛進入,餐車、救護車都不准進去,罔顧他人的生死! 惡到盡,犯眾憎!
      這一刻眼見情勢不妙,大妖一聲令下:「遍地開花!!!」增添兩個阻街戰場!搞到市民諸多不便! 竟然越演越烈,僱用暴徒暴亂! 當初講的是:「和平抗爭」,是誘騙一班無知的青少年去作反。

      刪除
  2. 公安多妖怪 七警要還債
    打人稱英雄 安家費最快

    回覆刪除
    回覆
    1. 公多妖怪 七警要債
      人稱英雄 安家最快

      刪除
  3. ♦・゚☁好友🌜晚安甜夢嚟🌛💤
    眨吓眼時間過得好快👀╠╣aΡpy週三
    ╔══╗────╔╗╔═╦╦╗─╔╗╔╗🌟
    ║╔═╬═╦═╦╝║║║║╠╬═╣╚╣╚╗
    ║╚╗║╬║╬║╬║║║║║║╬║║║╔╣
    ╚══╩═╩═╩═╝╚╩═╩╬╗╠╩╩═╝
    ──────────────╚═╝・。✨

    回覆刪除
  4. 撒尿灑鹽正瘟神
    好人有限怕差人
    到處撩人搞搞震
    唯恐不亂非良民

    回覆刪除
    回覆
    1. 一班戇仔充天神
      當堂害起滿城人
      胡扯瞎說呱呱叫
      再咁落去冇運行

      刪除
  5. 反盟自己友都未講掂數, 新阿頭撓埋手睇戲就得, 我地都係剝花生。

    回覆刪除
    回覆
    1. 就算講咗都唔認啦!否則就真係全盤皆輸咯!

      刪除
  6. 嗰啲吹水唔抹嘴,講一套做一套的那班人,如果一旦真的被控告和入罪,我想一定會話係政治迫害,而且也會哭訴尋求政治庇護……

    回覆刪除
    回覆
    1. 人家請佢哋去巡捕房落案就已經話係「搊後損將」喇!

      刪除
  7. 呢啲咪叫癈話囉! 我係阿頭都唔會運用酌情權,無謂俾人話干預司法,破壞司法獨立。

    回覆刪除
    回覆
    1. 胡扯喂就話唔識啫、但戇Q羊係大狀嚟吖嘛!佢居然陪胡扯喂癲埋一份、你話幾咁失敗?!

      刪除