護照奇談

有條瞀里發噏風

反宗反到冇人同

唯恨祖先生壞相

踩黃托白屁不通

俗語都有話、拗頸冇大餅吖嘛！之但係紫荊城裡面偏偏有班人專門拗頸、而且仲要攞自己嘅身份出嚟教飛𠻹。據籍貫部公布、申領米旗（海外）護照嘅紫荊人由前年嘅2.6萬多人增加到去年3.7萬多人、增幅高達44%。有報導指出、𡃁男大教館（𡃁大）某書生會代表聲稱、當佢攞住個米旗（海外）護照前往番盟旅遊、關卡見到米旗護照連問都唔使問就立即讓他通過、但當他利用紫荊特區護照過關時卻被關員左問右問、搞咗一大輪才讓他過關。因此他認為米旗（海外）護照比紫荊特區護照更好用喎！呢嗱、根據在下的一位導遊朋在講、攜帶紫荊特區護照出外洲旅遊是非常方便、即使在番盟也是暢通無阻的。

話時話、當米旗正式跟番盟脫離關係之後、那本米旗（海外）護照仲會唔會如𡃁大書生所講嘅“連問都唔使問就放行”咁「靈擎」就是一個問號。其次係、如果米旗（海外）護照持有人在番邦碰上意外事件時、當地嘅米旗大使究竟幫到幾大嘅忙亦是問題。從近年嘅新聞報導得知、每當紫荊人在外遇事、都是由天朝大使和本城關卡部向當事人提供援助的、但從來聽聞過米旗大使幫上了忙。現在有一群去天朝化嘅人硬係要將一切都政治化、甚至為咗抬舉米旗（海外）護照去貶低特區護照、貿然指番盟關卡唔曉得米旗護照與米國（海外）護之間嘅分別、所以一見到個「米」字就連問都唔問便放行。咁就奇嘞、番邦居然唔曉分辨份屬番邦嘅米旗護照與米國（海外）護照、但卻曉得就天朝護照與天朝特區護照之間分別問長問短、都可謂盲巫講瞎話、自欺則可、欺人難矣！唉、讀咗咁多書仲講埋呢啲低B話、都可謂反宗反上腦、恐怕華陀翻生都救佢唔到架喇！哀哉！