2017年3月31日星期五

欲罷不能



劈炮艱難我自知
生平喜愛做孤兒
忘宗背祖皆得意
望憑番貴戇痴痴

有人呼籲反盟拋棄敵對思維、齊齊為紫荊城繁榮與安定而努力。呢嗱、唔係我潑冷水、放棄適對思維絕對冇可能。從政治角度睇、除非阿爺能夠拔除花大叔散布在本城嘅勢力、又或者係花家窮到再無餘錢去供養反紅團伙、否則講乜嘢都係多餘嘅。依我睇、花大叔必定會加把勁打壓天朝、以阻擋龍傳人復興之勢。城中反派想回頭是岸、亦由不得自主。因為花家有專人負責去挖別人嘅蘇州屎、並將所有唔見得光嘅事一一紀錄在其大賬簿之內、在必要時就會爆其大鑊。例如屢勸不聽嘅寶島前一哥掠水扁、難於駕馭嘅高麗一姐撲水惠、以及去年獲得灰熊京通水而幸免於難嘅突厥一哥嗌汝多安、無一不是討花大叔厭而被整嘅人物。聽聞話、下一個被整嘅人、將會係沙鵝嘅灰熊京。連一國之首都逃不過花大叔嘅整蠱、何況係城中那群日日吃花旗蔘燉雞嘅政棍?因此佢哋絕不敢違背花大叔的。

花國國會剛剛又發聲指責天朝操縱紫荊城總督選舉、並說冧井當上一姐紫荊城勢必冇運行。咁就奇嘞、紫荊城乃係天朝主權內嘅地方、點解又會關花國嘅事呢?世界上係冇無端端嘅關心、難怪有人話花大叔係黃鼠狼拜年、不安好心咯!現任嘅花國國防部顧問白綁瑞在兩年前接受某媒體訪問時親口承認、花大叔就是黃衛兵之亂幕後策劃人。當時花國係透過非官方機構撥款給黃衛兵、並由駐本城嘅花國大使夏蝙蝠在幕後策動和監察。去年用以操控垃圾會選嘅驢動計劃、以及剛剛用以操控城督選舉嘅三百豭、都是由一家與花大叔關係密切嘅顧問公司所提供。現在花大叔居然反過來咬天朝一口、都可為當今世上厚顏無恥嘅典範矣!之但係、今日世界已經改變、呢套靠屈嘅伎倆當年用來對付依國薩特姆還可以、但用來對付天朝就顯得黔驢技窮兼丟人現眼之極。但開講有話、爛船尚有三斤釘。因此、凡係有痛腳被抓著嘅人都會依從花大叔指示、將真理講成歪理、將歪理講成道理、極其顛倒是非黑白之能事來迷惑紫荊城百姓。因此那群盲目反宗嘅政棍並非真的盲、而係不得不詐盲而矣!




16 則留言:

  1. 中華文化我自知 生平喜愛做詩詞
    背祖忘宗馬列毛 表望番貴皇帝志

    回覆刪除
    回覆
    1. 文化本皇朝
      改變靠人調
      沒有誰的好
      強留弱便消

      刪除
  2. 講得好,有痛腳俾人揸,其實紅家也一樣可以,這就是以其人之道呀!

    回覆刪除
    回覆
    1. 七十年代西片「教父」已經顯示出、黑幫以一本黑林料賬薄去控制政客嘅例子。今日世界基本上也一樣、總是離不開捉痛腳這一環。

      刪除
  3. 其實現在香港都好多頭痛事

    回覆刪除
    回覆
    1. 對呀、頭痛處處有、香城特別多。

      刪除
  4. 反盟靠反對政府起家,如果歸順的話,豈不是變成保皇黨? 所以無論林井點呼籲,我相信變節嘅反盟數目會少之又少!

    回覆刪除
    回覆
    1. 如果世界上沒有反對派嘅話、全世界都會變成一言堂、到時人人亦變成行屍走肉了!因此、沒有矛盾則不成世界。所以有人話、矛盾就是人生喎!

      刪除
  5. 政治嘅野,個個都係戲子佬,反盟唔會變預左啦,不過大家都要交足戲嘅。

    回覆刪除
  6. 看到花大叔如此輪番整人,真是神人共憤! 干涉他人家事,借刀殺人,這個不是人也!
    有親友的兒子就是貪財去搞事的人。都是為了錢,不是為了什麼理想。
    最近有包青天指責暴徒說:“無論理想幾咁偉大,也絕對不能預謀蓄意用玻璃樽投擲他人,這麼暴力!”

    回覆刪除
    回覆
    1. 花大叔跟黑幫收陀地費冇分別。不過在大自然世界就是弱肉強食。若不想被斯負就必須要自強、但當中一定會有人跳出來阻擋自強者的。唯可悲者、就係家裡人吃裡扒外而矣!

      刪除
  7. 🌈好友⛅・゚🌞我的早晨☕你的午安好☁*`☀
    ╔═╦═╗── ╔══╗╔╗─────╔╗💕
    ║║║║╠╦╗ ║═╦╬╬╬═╦═╦╦╝║∧∧・゚
    ║║║║║║║ ║╔╣╔╣║╩╣║║║╬║・ω・)
    ╚╩═╩╬╗║ ╚╝╚╝╚╩═╩╩═╩═╝⊂ノ
    ────╚═╝❉ღೋ*.¸¸。゚✾ഐ❤
    ╔═════╗💖♥。゚♡
    ║░═══░║*¨`*•💗
    ╚═════╝💚╔═╩═╗
    ░══╬══░💛⊹╬╬°¨°💘
    ░░░║░░░💙⊹╚╬═💜❥*¨❣💞
    時刻開心萬事得天天都過得歡樂精彩
    🌴🏡🌵🏠🌳週日╠╣aΡpy🎄💒🌲

    回覆刪除
  8. 花國國會指手劃腳,小人動作。

    回覆刪除
    回覆
    1. 奇怪嘅就係、在紫荊城內仲有好多花國擁躉架!

      刪除