2017年3月29日星期三

搞手落鑊



世界冇公平
諸君莫詐型
坊間群鬼叫
信者更慘情

呢嗱、日前巡捕房正式向多名占亂搞手發出拘捕和起訴通知、並要求他們主動到巡捕房投案。消息一出街之後、本來自稱敢做敢承擔嘅反盟、有人飛身撲出來指責揸拂當局檢控佔亂頭目係政治打壓。但更多人認為、當局讓他們操控完三選(驅異堂選舉、垃圾堂選舉、小圈子選舉)之後才開始檢控、分明係大大關照就真。不過值得留意嘅就係、坊間陰謀論質疑、究竟大老爺今次會不會如上次放生佔亂三條𡃁一樣咁高舉老祖宗嘅「惡生無罪、鬧反有理」免死金牌、再來一次大放生呢?巡捕房又會不會在程序上出錯、或在舉證方面有偏差、以致利益盡歸被告呢?雖然這些都是吹水唔抹嘴之言、但呢個世界確係無奇不有、就讓我哋拭目以待吧!

上次大老爺判案時、指出黃衛兵三小將不是為個人恩怨而鬧事、佢哋係代表市民以政治抗爭手段去表示對揸拂當局不滿、故輕判做義工、甚至為着成就其中一人去蕃邦求學、讓其心口掛上緩刑兩個大字出外留學。就在那個時候開始、在下才恍然大悟、原來大老爺判案除咗以法理為基礎之外、仲可以攞政治來做依據嘅。咁就唔怪得班街坊聞判後媽聲四起啦!嗱嗱嗱、千祈唔好怪佢哋呀!因為佢哋同我一樣、都係乜都唔懂法律嘅大鄉里嚟架咋!我哋人人都相信公堂之上法律為大、所以個個都唔敢以身試法、勢估唔到原來政治係罪犯保護罩嚟嘅。難怪黃衛兵人人目無法紀、個個有恃無恐啦!其實、在每個人心裡面都有一把秤嘅、人家表面上不當一回事、並不等同真係冇事。紫荊城之所以搞到滿城怨氣、妖孽橫行、就係管治當局從來不當人心是一回事所至嘅。今次佔亂頭領被提堂、全城人都有機會認真咁去見識一吓、坐在「明鏡高縣」牌扁下嘅青天大老爺係幾咁公正嚴明架喇!


27 則留言:

  1. 藍衛兵人人目無法紀、個個有恃無恐啦!

    回覆刪除
  2. 域Sir,香江多怪事,拖咁耐班友才落鑊,而且仲有排審呀,睇電視新聞見大教館法律系講師都話要同律師商量下先喎,小弟真係想極都唔明啦,等如有人問書法老師如何揸毛筆,老師話等陣問下我的學生如何揸毛筆先回答你。

    回覆刪除
    回覆
    1. Wai兄、係呀、當下本城大教頭連自己嘅責任做乜都唔知到架!

      刪除
  3. 域sir說得對:「黃衛兵人人目無法紀、個個有恃無恐。」一句「公民抗命」,即可以胡作非為嗎?
    一聲「遍地開花」,推動了佔旺、佔銅!霸地阻街,擾亂社會秩序,打擊市民生計。
    這是扼著市民的咽喉,去爭取他們所說的利益。未見其利,先見其害!這是極端自私的行為。學生們收錢阻街、瞓街,打著旗號去宿營幕,不知人間何世。坊間傳聞:多了女生去墮胎。
    口號初時是和平示威,不多久竟變成蓄意挖磚、擲玻璃樽掟差人! 簡直是無法無天。

    回覆刪除
    回覆
    1. 秋葉阿姨、只要將政壇當成黑勢力咁去睇、就會覺得一切都很正常架喇!

      刪除
    2. 域sir 說得好! 政棍圈子恍如黑社會,有佢講冇人講,聲大夾惡! 攪亂社會。

      刪除
  4. 我都唔明,點解要等到小圈子選舉之後的第二日,就叫班攪手落獲,然後話同政治無關架。

    回覆刪除
    回覆
    1. 有人話當局唔想三選受到連累、亦有人話當局讓群妖搞完三選之後才動手是賣人情。各說各的、旁人自然搲頭咯!

      刪除
  5. 我相信教育是分兩級的,表面是教育大家要聽話守法,而暗底裏卻教育怎樣不守法可以得到比守法有更大的利益!

    回覆刪除
    回覆
    1. 有人曾經講過、將宗教經書倒過來理解、世界就會面臨大災難。當下就係有人在玩火吖嘛!

      刪除
  6. 法門寺內關起門來都是自己人,閉門斟掂數,點話點好啦,輕輕帶過,就此放生了那些犯事份子,
    可憐小市民都是小心翼翼地依著紅綠燈才會過路的人。

    回覆刪除
    回覆
    1. 當然有例外,上次有兩位判官~判了兩單暴亂男女生三年囚刑,起了正面的警誡作用。聲明無論有多偉大的理想,都不能以蓄意傷人出之。

      刪除
    2. 就是因為怪事連編、所以社會上有強烈聲音要求、判官亦應該受監管。

      刪除
    3. 說得好! 判官亦應該受監管! 自古亦有巡案大人。
      自古有清官,更有庸官、貪官,亦有說官官相衛。希望此地有多些包青天,以維護公平,揪出妖人的真面目,加以懲罰衍責,不應擾亂民生,促成暴亂。

      刪除
  7. 📣📢瞓醒🌟╠╣aΡpy週四嚟✨
    好友♦・゚☁晚安🌜甜夢安睡🌛💤
     O
       o
     .∧_∧・。◇
     ( ・ω・ )
     |⊃/(___°¨*★
    /└-(____/✬・゚☆
    ✾๑۩۞۩*ღೋஜഐ❉

    回覆刪除
  8. 如果從陰謀論的角度看,每件事件背後都有陰謀;若以平常心視之,則是正常程序。除咗佔中搞手外,毆打一名巿民的退休總督察也在檢控之列,那麼又代表了什麼? 我不懂回答了! 他日那些搞手是否會被法庭輕輕放過? 真係要放長雙眼睇睇囉!

    回覆刪除
    回覆
    1. 陰謀論又好、平情而論亦都好、將來嘅判決就會有答案矣!

      刪除
  9. 域兄晚上好,
    雖然搞手開始落鑊,但告的都是較輕微罪行,睇嚟都係雷聲大,雨點小吧,

    法治是何物
    睇嚟得個吉
    天理又何在
    講人喊冤屈

    回覆刪除
    回覆
    1. 華娃兄你好、
      今日罪惡城都可謂暗無天日矣!

      黃藍互鬧屈
      人皆在氣咳
      判頭是喜神
      綠衣兩手拂

      刪除
  10. 除了在每個人心裡面都有一把秤外
    每個假髮裡面都有一個唔同嘅理念

    回覆刪除
    回覆
    1. 是善是惡由人自己去揀、有人揀善、有人揀惡、大概就係咁、世上才會有政邪之分。

      刪除
  11. 香江黃衛兵的遭遇,唔知同唔同當年毛爺扶植下的黃衛兵?
    這要靠拿稱人的技法了,同稱唔同稱陀,同稱陀都唔同稱嘛。

    回覆刪除
    回覆
    1. 兩路衛兵思想方向肯定唔同、而揸秤嘅係人、人是有立場的、所以點秤法就要由法則規定。倘若有人以政治角度進行判判嘅話、咁就係偏離準則矣!

      刪除
  12. 法官,不單單兩個口,仲喺保護網,網開.....枉開......

    回覆刪除
    回覆
    1. 法官也是人、所以應談要受到監管才行。

      刪除