阿𠾍甘正傳

你說我𠾍不是𠾍

天跌落嚟好過借

別人笑我懵而鈍

我笑別人戇啤啤

數年前湯漢斯主演嘅「阿甘正傳」人人睇過都話正。之但係、我哋罪惡城由嘅阿𠾍擔綱主演嘅「阿𠾍正傳」亦不遑多讓。阿甘由頭到尾都只憑直覺做事、由最初一個人戇居居獨自跑、至到有一群人無端端跟住佢後面一齊跑、在最後佢忽然覺得應該回家就停止跑步、搞到後面那群盲目追隨者夢吓夢吓、唔明當初點解會跟隨着阿甘跑的。今日阿𠾍明知紅家會唔要佢仍然死𦧲爛𦧲、由落區搞宣傳、上台打牙較戰、至到最後還喊街坊陪佢跑埋最後一程。之但係、到咗最後嘅點票關頭、阿𠾍忽然覺得應該坐下來就不上台監察點票、搞到在外面一直支持佢嗰班街坊懵吓懵吓、唔明白點解會盲撐呢位被冠以𠾍足十年嘅廢財神。幸好佢係輸家、否則罪惡城就真係有難咯！

今次決賽嘅戰果係冧井以777票擊敗阿𠾍嘅356票、以及烏判嘅21票、成功登上第五任香主之位。由此證明反盟搞的那個「三百豭」計劃係完全失敗。反盟班友眼見好夢成空、便酸溜溜的說冧井雖然勝出、但日後勢必舉步為艱。唓、係人都知到除非反盟肯停止玩嘢、否則唔止香主舉步為艱、甚至連反派嘅支持者都會變得意興蘭珊而流失。淨係睇蚊陣搞遊行、參加人數賣少見少就知我冇講錯啦！係嘛？！賽前反盟喉舌在江湖上到處吹風、指冧井係煙幕、而阿𠾍才是當今總舵主心儀中人。坦白講、相信呢種鬼話、跟相信總舵主與花大叔互相勾結嘅荒謬程度係同一層次嘅。其實在決戰前兩天、力牆號大老闆魯超仁在回答老記提問時、聲稱會將選票投畀能夠與總舵溝通、而又獲得總舵信任嘅候選人、已經暗示阿𠾍根本上毫無取勝機會。但令人費解嘅就係、在魯超仁表態之後、居然仲係有人自欺欺人、滿以為阿𠾍一定贏硬。但事實證明贏嘅係冧井、而阿𠾍就淪為反盟用完即棄嘅紙手巾。今次阿𠾍不獨止輸掉了比賽、而且亦輸掉了仕途、甚至連五家十三會亦不可能以高薪聘用一名曾被冠以歷史上最廢和最𠾍嘅人擔任高職的。其實阿𠾍亦心知肚明、當一個人嘅利用價值失去時、即使免強留低亦盞得受人奚落。依我睇、阿𠾍不要步陳四姑後塵、被人捧成「飯民共煮」送人垃圾會眼冤一屆、然後再被人當紙手巾般的拋棄、還是攜同另一半遠離是非之地、重返花家幫安享晚年好過咯！