𦧲到最後一刻鐘

看似頭耷耷

隨口亂咁噏

工來𠾍住做

注定聽執笠

近日江湖上盛傳、力牆號大老闆魯超仁受到某方壓力、而被迫支持所謂總舵信任嘅候選人打得井。然而、在另外兩個場合裡面、候選人烏大判和𠾍掌櫃亦分別聲稱自己就是獲得總舵信任嘅人。坦白講、以魯超仁這號在江湖上響噹噹嘅人物都會被迫去做有違自己意願嘅事、在下絕不相信。在下傾向相信、誰能多更加滿足選委要求、誰就會被捧上位。其實這屆小圈擂台爭霸戰之所以會特別強調「總舵信任」這個環節、原因係反盟在去年垃圾會散班前就曝露出與某人聯手奪權嘅野心、而令到總舵有所警惕所至。究竟誰才是總舵不信任的人、在兩日後自有分曉。但由三當家雙失江（紅老三）南下打開口牌嘅一刻開始、真命天子已經曝光、其他人縱然死𦧲亦屬徒勞。

過去已經有很多事例證明、但凡政治性言論十之八九都必須倒轉過來解讀才能夠明白其所指。即係話、凡係對方指東即是西、對方話冇即是有吖嘛！例如花大叔明明係針對紅花會、而派遣花軍長期在東南二海撒野、但佢偏偏話並不針對任何人。例如人地堂代表飯婦人話西廠其中一項職責就是協助分舵推行政策、明明係指紅家會干涉分舵內政、但總舵卻一直強調“一索兩砌、講人自講、糕稻自飼”至喎！表面看來、很多事都係矛盾重重、難以明白。之但係、如果懂得在甚麼時候將其中一方講話嘅意思倒過來解讀、一切都變得豁然開朗了！所謂真的假不了、假的真不了、相信大家都已經心中有數。總舵先派紅老三江南下篤定真命天子、繼而再差遣聽協堂副堂主統戰華篤定某人不獲委任。咁搞法、就算傻嘅都睇得出發生緊乜嘢事。稍有政治常識嘅人都知到最高揸拂人係唔會亂講嘢、亂噏廿四嘅都係下面嘅一眾大小頭目、據說咁至有轉灣餘地、而且係世界傳統格局嚟。但這個傳統格局卻被花家狂人特喪普打破。照咁睇嚟、日後人人不再遮掩、個個擺明車馬、紅花兩大家族火藥味更濃、罪惡城呢塊磨心之地必然亂上加亂矣！