三問三不知

無據又無依

你問我點知

今日神仙跳

住後眾皆輸

日前有報料社報導、有自稱係「正冒官」嘅人向報料社爆料、話阿月任職發錢部部長時並無提出土地供應清單、所以在屋價高企有不可推卸之責。另外又指香主阿狼專門睺住當時嘅大帳房掌櫃薯嘜不在時才開會、搞到佢幾成盲頭烏蠅。當薯嘜被索料員問知否有土地供應文件時、他答不知到。當被問及是否知到香主刻意在他放假或出外公幹時才召開土地會議時、他答不知到。當被問及是否有人刻意扣起清單時、他答不知到。呢嗱、咪話薯嘜“薯頭薯腦”呀、其實佢都不知幾精。以在下所知、分舵召開任何會議都有會議紀錄存檔、而且每次開會前必定會提早以專人傳遞或透過電腦將便箋（memo）寄給所有必須要知到嘅人。所謂土地供應清單是機密文件、有須要或有權閱讀人士都可以透過檔案部或利用密碼透過電腦查閱。依我睇、薯嘜係應該知到呢單黑材料係流嘢、但又唔想踢爆益對手、所以才會三問三不知。但如果我係佢就會毫不猶疑的去踢爆、咁做一定得到更高的大眾印象分。由此可見、某人嘅政治智慧已被其狹隘胸襟所蓋矣！

其實今次嘅細圈選舉在本質上跟上次豬狼鬥毫無分別、即使大部份選委表面上依阿爺意思、集中力量支持一個候選人入閘、亦無助於改善兩極之爭。因為爭鬥根源並不在蟻民、而係紅家與花家之爭。雖然在分舵內當要職嘅人之中混有蕃幫無間道、在五家、十三會、十八寨之中亦不乏同時食紅花兩家茶禮嘅人、在垃圾堂裡面反盟經常將好事變壞事而加以反對、甚至有人在臨門一刻打翻那堡廿三劑、但這一切都不是個人意願、而係紅花兩家互片所產生嘅必然結果。事實上、這一切都不會因個人意志而有所轉移的。君不見當下香主候選人之中有人曾聲稱當選後便擺廿三劑上台、但過不了兩三天全都反口了嗎？點解？我話過你知啦、最怕廿三劑嘅人並非一般蟻民而係花大叔和他的馬前卒。因為廿三劑對他們來說、簡直是一劑令他不能再私相授受嘅毒藥。因此誰敢妄言擺廿三劑上台、誰就是他們的敵人、其一切在花家或在其盟幫所獲得所有利益都會化為烏有。因此、相關候選人之所以忽然唔提廿三劑、無非是受到背後勢力影響的。明未？！所以嘛、在下才會話即使再花上十年時光、本城嘅混亂狀況都改唔到、就係咁解。