紅門龍虎鬥

敗兵丁匿跡兩年

逃不掉殺令糾纏

書呆子陰晴誤算

塘底石裂井乾田

日前問卷聯誼會一姐大胃鯨話、希望下任紫荊分舵香主能夠消除毒禍。坦白講、如果真係話咁易、那群毒青又點可能鬧爆全城？聽講話、毒亂呢家嘢並唔係表面睇嘅咁簡單。自從神秘炒家挑戰華忽然失聯之後、陰謀論便在坊間不脛而走。消息指、前任紅家會總舵主胡金刀退位時之所以打破傳統、登時將兵權移交給新任總舵主平近男、原來係有段古嘅。據說胡金刀在位之初只屬無兵司令、其中一名頭領周百雞乘虛而入、指使親兵將總舵包圍企圖篡位、幸得三十八分舵人馬及時趕到才得以解圍。估唔到在數年之後、另一名頭領博懵來竟然買板唔知埞、妄想效仿周百雞以武篡位、結果嚇得其麾下親兵阿頭黃衲𧥺臨陣發蹄騰、帶同一批文件走咗入花奇會館要求庇護。但更令人意外就是、花奇會館話事人居然連人帶文件一併移交給平近男總舵主處理、以致博懵來功敗垂成。

坊間流傳、挑戰華是三工系二把手贈㷫紅麾下嘅頭馬、除了負責炒賣之外、還要向紫荊分舵嘅毒青和反紅團伙泵水、實行養兵千日用在一朝。傳聞顯示、平近男總舵主已經將罰惡令授予副總管黃皮山、好讓他能夠大刀闊斧地去清理門戶。由於清理之風直撲三工系大佬鋼閘民本人、加上其麾下頭領謀財厚、索魄雄、黃鱔平、周百雞、搏懵來、令蠱惑等人亦已經被囚、迫得他打出最後一張王牌作終極反擊。鋼閘民命令其舊部（當今總舵七大當家之中的其中三人）雙失江、頭暈山、糟糕麗分別在紅家會總舵和紫荊分舵鼓動反紅風暴。據說兩年多前嘅全城大癱瘓、以及去年大年初二嘅怒火街頭、背後皆有三工系人馬嘅身影。這大概可以解釋得到和尚打傘（皮佬𡅏從家花取得嘅營運費只有四千萬、但整個打傘過程嘅消費卻愈四億）錢從何來之迷。但現在連三工系大水喉挑戰華都已經落網、而雙失江、頭暈山、糟糕麗等人亦已大權旁落。照咁睇嚟、三工系大勢已去、再加上花奇幫大佬特喪普已下令斷絕反紅團伙糧草、相信在斷水斷糧嘅情況之下、反紅活動勢必緩和下來、只係唔知到會平靜得幾耐而矣！