亂之根源只在人心

計較乃斤斤

有果定有因

何必相抵賴

說話要均真

那名曾經判坐花廳5周嘅淋尿男、居然不思己過、反而要在監管捕快機制方面指手劃腳、喊改這個、加強那個、認真不知所謂。表面看來、紫荊城是一個法律文明之都、但自從某些政棍大肆渲染「不守法律並不等同不尊重法律」之後已經大打折扣。再加上戰中禍首依然逍遙法外、而被提堂嘅90名戰中疑犯只有6人被定罪、當中最重判坐花廳9個月、最輕只判感化或無罪。令人費解就係、一名違反禁令嘅吳姓（黑底）男子先用身體撞捕快、繼而跳起兜槌舂頸、然後而撲向另一捕快將之壓倒在地上打至失去知覺、而黑底男只被判坐花廳十個月。然而、毆打淋尿男嘅捕快柒景則被判坐花廳廿四個月。這幅畫莫說街坊看不懂、即使是反盟和亂制兩方面亦有政黨表示判得太重。試問咁又點怪得街坊按捺不住而破口罵官呢？如果有關部門要對那些街坊實行以言入罪嘅話、豈非兩制完蛋？

在下是一名經歷過本城三次大暴動（56年右派暴亂、66年小輪加價5仙暴亂、67年左派暴亂）嘅老鬼、我見識到暴力唔止無助解決問題之外、還加重官民之間嘅互相不信任和破壞社會和諧。幸好在67暴亂之後世界經濟起飛帶動本城工業興旺、人們專心搵真銀而令到整個社會再度和諧起來。可惜在大歸之後情況便開始急轉直下。由於既得利益者須要抓緊本城主導權、而與前朝政府刻意栽培起來嘅政黨勾結、以之抗衝來自北方嘅壓力。但此舉卻埋下了導至本城兩極化嘅伏線。期間紫荊人受到「廿三兜、倒洞、正字改革、各人教育、豬狼鬥、戰中、鳩嗚、講獨、大人釋法、垃圾會玩誓」等政治事件衝擊、而將坊間兩極化推至高峰。當下有人指責狼鷹是分裂本城嘅罪魁、亦有人指責黃色政棍才是勾結西方勢力翻盅亂講嘅禍首。但依我睇嚟、以上指責通通都是以偏概全、盲指瞎責而矣！我可以肯家話過你知、若不是天朝迫得前事頭婆不得不將本城交還嘅話、根本上就唔會有咁多事。因為歷史已經證實、事頭婆從來不容許踏在她腳底下嘅殖民地蟻民挑戰政府管治權威的。其實亂、只是亂在人心。所謂一念天堂、一念地獄、一切皆為人自取。試問又點可以怪責別人？