2017年2月10日星期五

常無並非無厘頭



兩害取其輕
難分戇與精
常無今掛帥
廖化也驚青

泛㒼一面罵小圈子不能代表市民、而另一面又拼會爭個小圈子選委來做。但當上選委之後不肯提名自己友參選、反而要將票投給敵陣其中一個候選人。據說、這叫作兩害取其輕喎!之但係、常無話咁係講唔通嘅、所以一向視小圈子選舉為一坺屎嘅佢、寧願將自己也變成一坺屎、都要宣布參選。圈內人認為常無咁做、分明在發緊冷嘅抓錢華個砵頭揦飯食、增加其入閘嘅難度。但係怪就怪在、泛㒼對常無嘅行為雖然不以為然、但反應並不強烈、反而敵陣方面卻媽聲四起、連聲指責常無搞亂檔。咁你話嘞、究竟常無今次踩着誰的尾巴呢、吓?!

更令人費解嘅就係、奶媽宣布參選之初、亂制派人人都稱贊她、但講到支持則個個縮沙。然而、當消息傳出眾議堂堂主雙失江南下冧鎮畫公仔畫出腸之後、亂制派嘅大佬級人物便齊齊出席奶媽嘅造勢大會、營造出一個眾星拱月之勢。但問題係、即使總舵要拖馬幫奶媽都應該慎密行事、又點會好似呢趟咁失策搞到街知巷聞、仲要留低“河水犯井水”嘅把柄被人抓?按照當前形勢看來、任何人入閘都難以跟奶媽匹敵。消息顯示、抓錢華目前獲得的支持票依然寥寥無幾。心水清嘅人大概都睇得出、抓錢華想入閘就非靠泛㒼支持不可。但陰謀論指、假如放抓錢華入閘嘅話、他必定會由病貓變成猛虎、到時必有一番激鬥。相信最唔想見到這件事發生嘅就係總舵。湊巧地、常無在此時飛身撲出來加入戰圈、企圖分薄抓錢華嘅票源。難怪阿邊個專貴話、常無根本上志不在入閘、而係要一群虛偽嘅人所遁形。事實上、係人都睇得出、即使常無能入閘亦必敗無疑、只有抓錢華入閘才是個大威脅。呢單無疑係一宗大交易嚟。當前豬狼雙方呈現出一遍和諧只屬表面現象、其實彼此都係笑裡藏刀、當船進入陰溝之後、要發生嘅事就會發生、誰也阻擋不了的。呢場博奕都可謂棋逢敵手、目前嘅優勢或裂勢皆不能作準、只有行到最後一步才能分出勝負。那就讓我們就走着瞧吧!


17 則留言:

  1. 我仲諗…唔通常毛想學特朗普,想爆冷擊敗對手?只是呢啲小圈子選舉又點會咁做吖!

    回覆刪除
    回覆
    1. 常言道、天下諸君為利而來、何況常無亦只不過是市井之徒一名而矣!

      刪除
  2. 長毛咁做,明顯幫林鄭一把!

    回覆刪除
  3. 按當前形勢來看
    任何人都難以跟抓錢華匹敵
    常無在此時飛身撲出來加入大戰圈
    3800000*10%=38000大戰圈票
    不分薄小圈子選委1200票源
    常無要令一群虛偽嘅人無所遁形

    回覆刪除
    回覆
    1. 大戰圈3800000*10%=38000
      分薄小圈子選委1200票
      常無要令虛偽嘅人無所遁形

      刪除
  4. 🌟好友♦・゚☁甜夢安睡✨晚安🌜🌛💤
    💞齊齊💕╠╣aΡpy🐓年十五喇喂🐤

    回覆刪除
  5. 常無一定無機會啦,胡興都危危乎,一定係抓錢華和奶媽之爭。

    回覆刪除
    回覆
    1. 正路確係咁睇、但大細雞亦有變嘅可能。

      刪除
  6. 嘻嘻! 峰迴路轉, 咁D戲先好睇架嘛。

    回覆刪除
    回覆
    1. 如無估錯、在未來幾日裡仲有好餐登場。

      刪除
  7. 域 Sir,長毛玩到冇嘢好玩,咪出此下策咯。

    回覆刪除
  8. 長毛早已公開說是受到大搞“遍地開花”嗰個搞頭嘅指使,又指明要飯民要投票給他,分明是來玩嘢的。

    回覆刪除
    回覆
    1. 常無怎樣講並不重要、但隱藏在他身後的推手是誰、則不好說。

      刪除
    2. 我們不便說,但是常無已經召開記招,在電視上再三說出此人的名字了。我記得番啦!係大妖。

      刪除