2017年1月4日星期三

且看本城造化



摱着車邊發大財
豈容有橋冇人抬
只恨諸君無義氣
連累大眾也當災

鎮工所兩大巨頭、大賬房和大奶媽、都想打下屆鎮長個肥缺嘅主意。大賬房除了獲得五家、十一會、十八寨鼎力支持之外、亦獲得花家友大撞和白鴨兩大集團替他抬吹托打。呢嗱、姑勿論輸贏、能夠使得一群曾經狂踩自已係“廢柴”嘅人忽然倒轉過來做自己嘅橋夫、已經夠光宗耀祖架喇!可惜中年公署卻放話、指中央不希望見到鎮工所兩大要員互相打崩頭。另一邊嘅紅家友卷聯和弓聯都認為、中央嘅心儀中人物係乎係大奶媽。照咁睇嚟、即係話中央與建字堆尚未能在人選方面取得共識。亦即係話、上次嘅豬狼鬥有可能會上演續集。不過今次中央及早播放預告片、似乎是有意思讓他們好好的去睇清楚不合作嘅後果係點嘅。

講開又講、坊間一直質疑、點解獲准參與決賽嘅係三個人、而唔係兩個人、或者係四、五、六、七個人嘅呢?其實道理很簡單的。如果只係准許兩個人入決賽、萬一當中有人臨陣倒戈把票則埋一邊嘅話、中央很難分得出誰是人誰是鬼、只能眼巴巴看着班友食自己夾棍。如果太多人入決賽、建字堆票數就會太過分散、形勢便會失控。過往嘅紀錄顯示、紅家友穩操兩成多鐵票、反字堆取得嘅選票一向不足兩成、而建字堆手中票超過五成(當中較親中嘅票數約佔一半)只要此局不破、中央心儀之人就可以當選。之但係、今次反字堆拿到嘅選票居然超過兩成六、這意味着建字堆有人立心要中央知到天下無不破之局。因此中年公署才會傳出、中央不希望見到鎮工所兩大要員打崩頭嘅消息。由此看來、大賬房和大奶媽勢難當真命天子、若然雙方都因為企硬而重蹈豬狼鬥嘅覆轍、荒謬鎮市民就真係唔係班友死咯!喂喂、荒謬鎮唔係金剛不壞身、唔係每次都經得起咁大打擊架!好好的協調一吓啦!知冇?!




13 則留言:

  1. 好友♦・゚☁晚安✨唔該周公子見呢🌛💤週四╠╣aΡpy

    回覆刪除
    回覆
    1. 神鳳午安,預祝周末和周日愉快!

      刪除
    2. ╔═════╗✾
      ║░═══░║¨**
      ╚═════╝░╔═╩═╗
      ░══╬══░░❉╬╬
      ░░░║░░░░❉╚╬═♦
      🌈好友⛅・゚☀我的早晨☕你的午安好☁*`☼
      我瞓醒繼續做大掃除🏠🌲洗廚房&廁所喇喂

      刪除
  2. 紅家友穩操兩成多鐵票、反字堆取得嘅選票一向不足兩成、而建字堆手中票超過五成,嗰大班健字堆大代表係唔係咁聽話?我就好懷疑喇,今次隨時俾人過一戙,背後另外講掂數。
    當然紅家亦唔係食齋嘅,呢場戲應該會好精彩。
    當然仲要域兄你久不久出來解下畫添啦。
    至於荒謬鎮會變成點?雖然身處其中,都無謂諗落去喇。

    回覆刪除
    回覆
    1. 江湖上流傳、大戶不要舊阿頭、總舵不要守財奴。大戶亦唔要奶媽、而總舵就快再出指喎!

      刪除
  3. 奶媽話唔嫁又嫁,反口覆舌! 俾呢類人當特首,相信香港都係無寧日架喇!

    回覆刪除
    回覆
    1. 這就證明、世上無人會嫌銀腥嘅。

      刪除
  4. 嗰兩位仁兄仁姐根本係未夠班,佢哋今時今日坐到呢個位就應該滿足,仲咁大想頭就一定冇運行……所以,今次嘅縣長係邊個,真係好難估!

    回覆刪除
    回覆
    1. 恐怕以上班人誰當阿頭都好唔過施威。但暫時依然未見真天子、確實有點陰陽怪氣咯!

      刪除
  5. 爛橙和無咁爛嘅橙的選擇
    都係無得揀
    紫荊城人想食蘋果

    回覆刪除
    回覆
    1. 據說中有唔少人想吃柑的呢!但就係唔知到有冇得揀囉!

      刪除