泛㒼死攬負資產

死攬負資產

整定要抬蛋

眾叛夾親離

遲早冚包散

眾所周知、自從戰中一役之後泛㒼搞嘅各項遊行活動聲勢每況愈下。就以㒼陣剛剛舉行嘅71大遊行來說、參加人數更加係首創歷年新低。難怪有人話、再係咁落去嘅話、低處未算低咯！據㒼陣發言人講、參加人數有9150左右、而巡捕房則說人數只有起步嘅2700至到最高峰嘅4800左右。無論點講都好、觀乎今次參加者人數的確是歷屆最少的。雖以㒼陣以「由於阿頭被腳痛、而降低人們嘅參加意欲」來做遮醜布、但明眼人卻心知肚明、主因其實係泛㒼要為四名「玩誓」尊貴強出頭、但街坊卻不願意當冤大頭、才會放棄參加遊行的。

坦白講、俗語都有話啦、一人做事一人當吖嘛！當下係玩誓四人組不自量力、見到霉香鹹魚就驚死執輸拼命食、但偏偏又唔抵得住頸渴、還妄想打街坊荷包、令其他人出錢買礦泉水畀過佢哋解渴。試問世界上有冇人蠢到無端端去替滋事者填氹咁戇居架？法庭是一個能令每個人都獲得公平審訊嘅地方。要是被告人係清白嘅話、法庭自會放人。若是證據確鑿嘅話、被告人就難逃刑責。擅長於玩覆核遊戲嘅泛㒼應該知到、今次嘅「資格覆核」無疑是對手所設嘅「以彼之道、還施彼身」之局。大概有人明知到自己理虧、所以希望借助71大遊行嘅集體威勢去迫使揸拂當局放手。可惜吖、有人出師掛錯帥旗、搞到成支隊伍名不正兼言不順、以致未得其威就先失其勢。看來、玩誓四人組大概逃不掉面對法律制裁架喇！難怪有街坊話、幸好釋法及時、滋事者想甩身都幾難啦！嗱、咪話在下唔提醒一聲、泛㒼死攬毒派必會與街坊嘅距離越拉越遠、若不及早捨棄呢畢負資產、嚟緊嘅補選勢必大敗。到時普街坊大眾就真係會同你班友講拜拜架喇！明未？