施威宣布棄權

趁着亂制打瀉茶

泛㒼抬舉抓錢華

施威話咗唔拚命

葉柳連隨又開花

呢嗱、葉柳剛剛表示要打擂台、而施威就宣布放棄追求冧莊。呢場戲都可謂來得既急且快咯！從表面形勢看來、抓錢華剛剛揩到一身屎、葉柳上馬勢成為一枝獨秀、但實情又係唔係咁、則惹人聯想。其實大家都心知肚明、紅家會嘅家訓就係、凡是敵人擁護的我都反對。當下抓錢華嘅推薦人就係泛㒼、即使說不上是敵人、但更不是架忌冷。因此可以肯定講句、佢根本上唔係阿爺杯茶。但在數月前亂制派嘅資家大本營傳出、對於由誰人來出任下屆阿金紫荊頭跟總舵意見相左。期間有人揚言、假如到咗退無可退嘅時候、他們就會將所有注碼全數押到泛㒼選手身上去。從今次泛㒼破格支持揸拂堂嘅抓錢華打擂台看來、反映出泛㒼與資營之間嘅合作已經展開。

所謂世事無絕對吖嘛！那個抓錢華無𤶸整笪𤶸、在立圾會講咗一堆於法於理皆不合嘅話、搞到自己又再變成豬八戒照鏡、裡外不是人。總之一日都係嗰個白頭兜好做唔做、居然在公仔箱代表總舵放話、指總舵認為下屆揸拂人必須要與講獨勢不兩立、搞到抓錢華驚死執輸、於是第一時間在垃圾會聲明與講獨冇偈傾而搞到自己一身蟻。因為佢上午被泛㒼和亂制兩幫垃圾尊貴插完之後、下午即被冧井過多一棟、翌日又再被施威暗寸自作聰明、隨即加多句「根本無必要搞到連偈都冇得傾」來贈㷫。坦白講、資營見到抓錢華廢成咁、睇怕都唔敢再勞煩佢代表佢哋出戰咯！難怪江湖上流傳五家八會已經與爭六成密堪、希望佢能代表資營出戰啦！但坊間又有消息傳出、葉柳將要宣布參戰。據榕樹頭算命佬蕭預言透露、葉柳是紅家會嘅plan B嚟。但係橫睇、掂睇、點睇都睇唔出會係由爭六成決戰葉柳的。因為這兩人同樣是曾經被總舵勸退過的。有跡象顯示、因為花家狂人登基、紅家會預計本城未來嘅政治形勢將會變得更加嚴峻、所以早已有所部署。風水佬呃你十年八年、大家不妨稍加耐性多等數天、我可以肯定將會有一個另人意想不到嘅人物宣布參加打擂台的。咱們就走着瞧吧！