2016年12月7日星期三

是誰在敗壞法治?



莊家捉放曹
老千有前途
遲來先殺盡
早着劈崩刀

呢嗱、掌權最失敗嘅地方就係做事無層次、等同一個人經常語無倫次一樣、想話唔闖禍都難。以紫荊府衙為例、今年大年初二嘅街頭怒火一案都已經開始審訊、並且陸續有人被判刑、但早在兩年前爆發嘅戰中一案依然毫無動靜。更諷刺嘅就係、戰中主要疑犯一個都未有被提堂、反而涉嫌毆打潑尿超嘅七名捕快就已被押上刑堂受審。喂阿哥、如果冇戰中根本上唔有潑尿超涉嫌被毆嘅事。萬一此案有人被判罪成、而始作俑者嘅戰中三妖和一眾幫兇就開香檳慶祝嘅話、到時就真係唔知紫府點向廣大城民交代咯!在戰中期間天朝喉舌曾經公開報導、已經掌握到證據、證實紫府嘅三大總管和十三部長之中有人與戰中分子私通。再加上、紫府處理戰中手法一向惹人質疑、如果話呢壇嘢裡面冇鬼、就真係撞鬼咯。如果我係阿爺、都會做嘢啦!係嘛?!

俗語都有講、上得床來牽被冚吖嘛!戰中妖人發覺到原來紫荊城嘅法治係廢嘅時候、當然更加放肆的了!難道諸君還看不見、大妖蜓一直都係隨着花大叔隻手指起舞的嗎?六年前奧黑馬宣布要在南海搞天朝時、大妖蜓就開始四處妖言惑眾、宣傳其和平戰中理念、結果在兩年前發難暴力戰中。今次花家新大佬當撈侵快將上任、除咗惹得一身屎嘅高麗一姐撲水惠唔得閒之外、其他人如坡仔李犬虫、架仔安屁晉三、寶島菜英子等人先後表態效忠。因此紫荊城中嘅一眾妖孽當然要各自施展媚態去博取寵幸。繼痴瘋飛撲入花家趴低翳契哥、並成功討得當撈侵嘅家丁歡心之後、大妖蜓又開始籌備二戰。今次妖蜓嘗試利用被申覆嘅四名垃圾尊貴來做藥引、發動一場圍堵府衙大本營作為預演。但紫府卻失去了知覺般的毫無反應。難道臨尾都要由一場暴亂來送行才感到過癮乎?坦白講、紫荊城至今仍然是個法治之城、即使有天大理由都應一視同仁、將疑犯送上刑堂接受公平審判才對。這屆掌權班子尚有幾個月就要卸任、至今還不起訴戰中疑犯、還待何時?難道真係如坊間陰謀論流傳“有人企圖將件事拖到自已夠鐘收工、到時就一個人都沒有衰”係真嘅?


14 則留言:

  1. 涉嫌毆打潑尿超嘅七名捕快
    就已被押上刑堂受審

    回覆刪除
  2. 以前已有人講過,政府政策,最高境界就是拖字訣,有好的就搶,要揹鑊的便拖,最好係推去下家莊!

    回覆刪除
  3. 好友🌛・゚☁晚上好🌟・゚✨周三╠╣aΡpy
    っˆヮˆ)っ8:00出門和神公吃午飯♥*¨*♡ღ。゚❤

    回覆刪除
  4. 『戰中妖人發覺到原來紫荊城嘅法治係廢嘅時候、當然更加放肆的了!』
    > 紫荊城嘅法治唔廢架, 仲可以用來懲罰和妖人作對的份子, 為妖人掃平障礙。睇下D大法師點樣運用法治工具, 冇尚方寶劍就由法師話事。

    回覆刪除
  5. 是無能軟弱定係戰略?!我睇係前者居多啦!

    回覆刪除
  6. 狼英依家最重要係搞連任,如果可以犧牲嗰幾個差佬,而換取多幾票,何樂而不為!

    回覆刪除
  7. 域兄晚上好,
    搞正字嘅人一向都人鬼不分架喇,

    法律從來冇公平
    髮官最愛講酌情
    財雄勢大曲變直
    身無分文冚家伶


    回覆刪除
    回覆
    1. 華娃兄午安、
      政治亦係無定向風嚟架!

      施威唔玩冇詐形
      葉柳呢趟有機乘
      阿華弊在衰異相
      有人愛上爭六成

      刪除