荒謬中的荒謬

未知真癲定假狂

有群茂利鬥荒唐

公然闖禍不思過

靠害街坊當幫忙

在大年初二零辰時分、荒唐縣新興獨派「半文錢」託辭替熟食小販爭取擺賣權、並趁機炮制一齙震撼全城嘅怒火街頭鬧劇。事後、坊間響起連串問號。那就是、點解替小販爭取擺賣權要當街縱火、以及使用暴力襲擊巡捕？點解只爭取區區幾天新年假期擺賣權、而不作長期打算？咁嘅行為算唔算係掛羊頭賣狗肉？暴亂期間女教頭牛小矋在「飛時卜」平台呼籲街坊積極參與、結果被裁判老爺判罰銀両抵罪。經此一役、牛小矋嘅名堂就響起來、而且在聚議堂贏得一個議席。按照常理來說、能覓得這一份薪津合共平均月入廿多萬両銀嘅筍工、應該好好珍惜才對。點不知、牛小矋卻偏偏在宣誓就職儀式之中扮烏龜扒行、搞到被縣長針對其行為人稟法院要求覆核。從犯下「玩誓」錯誤嘅奀症幫成員支那仔和扑嘢妹兩人被判冇得留低嘅情況看來、今次被覆核四人（牛小矋、常無、饒虫虫、𤓓三七）嘅形勢相當不妙。

據說、被覆核四人組得知形勢對自己不利、但又不甘心將已經放入嘴中嘅肥肉吐翻出來、更不願意為自己的闖出來嘅禍埋單。於是把心一橫、一方面申請法援、另一方面就拉街坊落水替佢哋找數。根據阿邊個反字堆大老透露、有人要求專業遊行公司「㒼蜄」搞一趟新年撲水大遊行、好讓被覆核四人組沿途擺設街站打街坊荷包。但上次奀症幫嘅支那仔和扑嘢妹打荷包不達標看來、恐怕今次嘅成績亦唔會好到那裡去。坦白講、街坊抬獨字堆班人入聚議堂、無非是希望佢哋能夠平衡一吓堂內形勢、以免反字堆和愛字堆兩幫人馬眉來眼去呃街坊、而唔係要佢哋無𤶸搞笪𤶸出來、更加唔想佢哋打自己個荷包吖嘛！現在有人任意莽為玩大咗、而且事後唔肯承擔責任、還要妄想打街坊荷包。在下不敢排除可能有人願意為這幾人而大破慳囊、甚至攞份身家出來幫佢哋。但從大方向去睇、實在見唔到有人戇居到去搬起塊石頭揼自己雙腳嘅囉！在下記得、早前煮起你大狀講過、法律上冇明文規定宣誓唔准玩嘢、所以玩誓係冇罪嘅。既然係咁、在下認為被覆核四人組切忽走寶、嗱嗱聲趕快去拷煮起你大狀嘅門、搵佢提供免費辦護服務就實冇衰。