2016年12月2日星期五

代言人的啟示



嘴藐做代表
聞者皆喊妖
內裡有乾坤
未知曉唔曉

近日齋講出聲一哥白頭兜從京司歸來、並帶來總舵允許反派回鄉探親嘅訊息。可惜嘅就係、唔止係泛㒼唔領情、甚至連亂制都表現得嬲爆爆。在泛㒼眼中、齋講出聲只係一隻令他們厭惡嘅曱甴、所以向來都睇白頭兜唔順眼、自然唔會當佢所講嘅話係一回事。由其是一向做慣紅家會代言人嘅亂制、眼見自己個位被白頭兜呢個二奶仔取代、就更加係感覺得周身唔自在、㷫焫焫是在所難免。不過問題係、點解今次總舵會授意白頭兜將訊息帶回紫荊城、而唔係像從前一樣交由亂制派裡面嘅重量級人物代勞呢?當中又有啥含義呢?

坊間流傳、總舵唔親自出發聲而交由白頭兜代言、是要留些餘地給自己轉灣。但實際上又係唔係咁嘅呢?據阿邊個錦衣衛講、總舵之所以咁做、係向城中亂制傳達一個訊息、以示別以為上面唔知到有人吃裡扒外、更加別以為冇咗佢哋唔得。事實上、總舵一直都很清楚非傳統亂制跟紅家會嘅關係是不存信仰、只存利益、忠誠度不足是預料中事、但連帶傳統亂制都出現籠裡雞造反、那就絕不能容忍矣!有人一朝得志便犯下“態度不正確”嘅錯誤、而且越踩越深。總舵希望某人能夠去團結可以團結嘅人、而某人就為私怨而與本城阿頭暗鬥明爭、除咗跟亂制內部嘅“資家大本營”站在同一陣線上之外、更可惡就係私通反派。近日更加離譜到明目張膽的、為某某“講英娛業”參加小圈子擂台大決賽而穿針引線。試問總舵又焉能坐視不管?當下距離打擂台日子不遠、絕對不能讓亂制爆發內訌、惟有喊二奶仔去“挨異氣”做台文場戲畀班馬騮睇、以示警告。照咁睇嚟、一場大決鬥很快就會上演矣!


18 則留言:

  1. 有人一朝得志便犯下“態度不正確

    回覆刪除
  2. ╭~╮
    ╰╭╯
     O
       o
     .∧_∧・。。゚💤
     ( ・ω・ )
     |⊃/(___
    /└-(____/
     ̄ ̄ ̄ ̄ ̄ ̄
    🌟・゚✨好友★。゚✬🌛瞓覺豬囉☁*¨*🌙☆
    💞大家💛⊹¨*💜週末💚╠╣aΡpy💙。゚💕

    回覆刪除
    回覆
    1. 好友♦・゚☼我的早晨&你的午安好☁*`☀
      ⛅瞓醒又來享受新的一天樂趣喇喂
      窩心錫錫又快樂抱抱╠╣aΡpy週一
      ╔═════╗*¨`*•💕
      ║░═══░║¸.•*¨`*•💗
      ╚═════╝╔═╩═╗•*¨`*•💘
      ░══╬══░⊹╬╬⊹💞
      ░░░║░░░⊹╚╬═⊹💖
      💜░D░A░Y░💙░D░A░Y░💚░H░A░P░P░Y░💛

      刪除
    2. 好友♦・゚⛅我的早晨🌈你的午安好☁*`☀
      🌸╔══╗╔══╗░╔╗╔╗💖。・゚゚✿ʚïɞ
      🌸╠══║╠══║░║║║║╔╗❤週一ღ💕
      🌸║══╝╚══║░║║║║╚╝♡•*¨*❀ʚïɞ
      🌸║░═╦╦═░║░║║║╚═══╔╗╔╗♥💞
      🌸║░═╬╬═░║░╚╝╚═════╝╚╝❥萬事得
      🎄💛♧🌼♧💗♣🌻♣💚♧🌹♧💙♣🌺♣💜🎄

      刪除
  3. 我不喜歡政治,就是因為不可以做到明刀明槍…
    其實我主張要儆惡懲奸,殺人警百,做錯事就一定要受罰!

    回覆刪除
    回覆
    1. 你適合做包大人,咭咭咭!

      刪除
    2. 可惜嘅就係、政治本來就是黑暗又污穢嘅玩意....

      刪除
  4. 既然總舵和亂制係以利益維系,咁總舵搵多一、兩個外判嘅判頭,維護自家利益,就係好應份啦。

    回覆刪除
    回覆
    1. 今次恆禎之所以一鋪清袋、原因係佢哋無視法紀、所以連判頭都唔敢大細瞧。雖然有錢能使鬼推磨、但有些時候是有錢無人敢賺的。

      刪除
  5. 左右中間亂紛紛
    京城口訊託誰人
    三朝兩日嘈嘈閉
    和平安定趕瘟神

    回覆刪除
    回覆
    1. 今次集中力量打講獨、但卻放生了戰中、若再拖幾個月、到這屆班子散班後、戰中就連一個人都唔使罰咯!這叫造反有理....

      政治難免亂紛紛
      就算稟神亦冇真
      今天原罪皆愛國
      若然表態犯眾憎

      刪除
  6. 域兄晚上好,
    白頭兜係公仔箱度傳達亞爺訊息,話亞爺最驟忌係講讀,但係打擂台嘅選首冇一個提及如何去消毒喎,

    本土理念是自決
    熱血主張要掟磚
    大家坐埋一隻船
    為何要把底鑿穿

    回覆刪除
    回覆
    1. 華娃兄你好、
      本城奇景就係造反無罪、愛國該死、總之呃呃吓有銀收就得架嘞、如果一指了結班獨派、以後就冇戲唱、收入大減架喇!

      政壇鬧到人都癲
      好眉好貌係老千
      左手伸完右手至
      見財喪義鬥翻天

      刪除
  7. 呢個白頭兜就係攝位博上位嘅人
    一向都唔喜歡呢個人
    覺得佢只係個三流角色

    回覆刪除
    回覆
    1. 此君忽然愛國早就令人大開眼界。但佢又真係搞到反派雞毛鴨血、上大人當然要盡量利用架喇!所謂天下熙熙皆為利來吖嘛!真心興否已經不重要了!

      刪除
  8. 依家有乜風吹草動,都有唔同嘅傳聞,究竟動機係乜?我相信最後都無人知道!

    回覆刪除
    回覆
    1. 有趣嘅就係、到最後上台決戰嘅未必係今日嘅所謂熱門人物。

      刪除