2016年11月4日星期五

熱臉貼上冷屁股



以為花𡃁羊牯
呢趟無端食詐餬
賺得徒勞兼廢事
惟有快閃冇辛苦

自從奀症幫嘅涼爽恆和遊藝禎兩人買板唔知埞、喊天朝為支那而開罪所有龍的傳人之後、以近身桃為首嘅一群泛㒼抽水高手齊齊充當觀音兵、在兩人身邊磅出磅入。殊不知恆禎居然眼高於頂、連囌都懶得囌班老叔父一吓。前日近身桃忽然變臉、公開指恆禎不喜歡泛㒼、而且特別討厭白鴨幫、仲話佢哋應該為日前強闖垃圾會造成嘅後果負責。嘩、在「肉麻」事件爆發之初、夾硬話恆禎只係以“輕鬆幽默手法宣誓”嘅桃大俠、何以忽然之間翻老臉呢?湊巧嘅就係、這邊廂恆禎兩人被踢爆在環仔區某大廈頂樓築新愛巢、那邊廂近身桃就調轉槍頭向兩人開火。究竟當中出了甚麼問題呢、吓?!

呢嗱、無須桃大俠提醒都知到、人係要為自己嘅言行負責。之但係、在我哋嘅社會裡面實在有唔少專門縱壞別人嘅西南二伯父、明知到有人做錯事都要硬挺、直至當事人無法自拔為止。須知到凡事都離不開一個理字、如果尊貴不理大眾感受堅決耍無賴嘅話、社會上必定反對之聲。相信閣下唔會認為過百萬有份簽署反對恆禎「肉麻」嘅市民都係“左囿”嚟吖嘛?請看看、當恆禎被縱到膽生毛、以暴力強闖垃圾會而導至多名保安人員受傷之後、白鴨幫忽然之間與之割蓆。喂喂、阿哥、阿姐、到咗人家前無去路後有追兵之際就要分手、究竟係乜嘢意思?咪被在下估中、我想有人已收到風、得知大人釋法勢在必行、加上大判頭“阿超著褲”局住揸正來做、所以有人要趁着生米未成飯之前與兩個準輸家劃清界線、以免被呢單嘢㘉濕身。坦白講、假如大人一有機會就釋法嘅話、釋吓、釋吓、恐怕連歸本法都被釋到面目全非、到時“好反”之人做「籠躉」嘅風險必然大增。真正嘅政棍只會陀衰人、而永遠不會被人陀衰的。試問此時不縮沙、還待何時?


15 則留言:

  1. 域兄,識時務者才是政棍呀!
    不過做漢奸走狗…遇起事都一樣識閃㗎……

    回覆刪除
    回覆
    1. Siu 兄、對於某些人來說、呢個世界「錢」還是最親的。

      刪除
  2. 如果唔識髮,俾佢左訴右訴又係浪費納稅人的銀両兼阻住地球轉。
    垃圾會查實係瘋人院,佢兩隻係瘋癲得最難睇和暴力,如果受傷保安員是我的家人,我實告到佢甩褲!

    回覆刪除
  3. 大人一有機會就釋法嘅話、釋吓、釋吓、恐怕連歸本法都被釋到面目全非、

    回覆刪除
  4. ☁・゚♦好友★*¨✬晚晚甜夢安睡🌛💤☾。゚☆
    瞓醒╠╣aΡpy週末*º°¨*繼續開心萬事得嚟
    ╔╗╔╗╔╗╦╗ ╦╗╗╦╔╗╗╔ ╦*¨*•.¸¸。゚ഐ
    ║╦║║║║║║ ║║║║║╦╠╣ ║∵ ೋ
    ╚╝╚╝╚╝╩╝ ╩╚╝╩╚╝╝╚ ║•*¤.Zzz

    回覆刪除
    回覆
    1. ♦・゚☼好友★。゚⛅黃昏&傍晚好☁*¨*✬
      🌛╭═══════╮ 
      ╭╯ΘΘ時刻笑笑║
      ╰═⊙══⊙══⊙╯•.¸¸。゚*💕
      💛♧✿♧💗♣❀♣💚♧✿♧💙♣❀♣💜

      刪除
  5. 域Sir, 都唔知點樣解釋一國兩制和基本法?
    今次事件香港法院都未判決就已經要人大釋法?呢兩條友只不過政壇新丁,全無政治智慧,兩條友最多冇得撈,每月搵少十幾萬,但香港人比佢地害死影響深遠。

    回覆刪除
    回覆
    1. 人地之所以飾法、擺明唔信罪惡城嘅「書法界」吖嘛!

      刪除
  6. 今次攪大左, 你估會唔會攪到小麗老屎再發誓都冇用, 做埋陪葬品呢?

    回覆刪除
    回覆
    1. 以飾法結果睇嚟、呢位阿姐同奀症兩條𡃁嘅命運一樣、冇得留低居多。

      刪除
  7. 政棍也是職業
    一定計算個人利益

    回覆刪除
    回覆
    1. 成熟嘅政棍通常精於計算、但那群腦囟都未生埋嘅細路就撞晒大板咯!

      刪除