2016年11月28日星期一

肥彭反講獨?




大人釋法佢心噏
泛㒼處事欠邏輯
肥彭拍枱兼怒喝
如此落去聽執笠

呢嗱、雖然肥彭每次到來紫荊城都有人罵佢係攪屎棍。之但係、今次呢條攪屎棍忽然講出幾句人話來。肥彭話、宣誓係一件嚴肅嘅事、他自己每次宣誓都是很認真的、全世界都有規定、不能通過宣誓便不能就職、正如早前紫荊城有人犯上愚蠢錯誤而失去議席一樣。肥彭講得很清楚、紫荊城回歸天朝是不爭事實、如果有人要做講獨英雄嘅話、米旗人是幫不了忙的。相信大家都雞食放光蟲、知到肥彭絕對唔會為天朝講好話、佢只係擔憂米旗人在臨走之前在紫荊城打造嘅㒼主基礎被講獨玩殘、才會出言點醒那群瞎搞一通嘅蠢蛋。

肥彭嘅言論顯示出、西人根本上冇打算要搞講獨、而係要把紫荊城打造為宣揚西人價值觀嘅超級大炮、對準神州大地作疲勞式轟炸、目的是要在天朝復興路途上架設障礙。因此無論是賣田李、抑或係陳四姑等西傭雖然每刻鐘都渴望紅家會摺埋、但從不敢公開鼓吹講獨、因為他們明白如果紫荊城獨立於天朝之外便無戲可唱。之但係、不講並不等同不做、否則講獨思維又焉能在城中各大中小書齋散播得那麼如火如荼?事實上、蜓妖、妖蜓、蚊蚊、孽猿等一眾自作聰明嘅教棍、滿以為將講獨意識灌人各大中小書生嘅腦袋、便是忠心為主。殊不知竟然會惹來巨大嘅負面回響、唔止為大人提供釋法良機、還要令到㒼主運動被套上一個金剛箍。須知到、如果情況繼續在這個方向發展下去嘅話、勢必迫出廿三大法出來、到時西人獻金再不能像今天“老奉”般的存入泛㒼戶口了!若然真係搞成咁、西人在本城多年經營嘅㒼主事業就會付諸東流矣!因此、肥彭今次入城嘅目的就是要跟講獨劃清界線、並嚴重警告自己班「𡃁」不得招惹講獨蹅禍西人在本城適心經營嘅心血。


<

16 則留言:

  1. 域兄講得很中肯,很有道理,其實大家都知遊戲規則,如果玩過界就一定冇運行,同時亦會成為中矢之的!

    回覆刪除
    回覆
    1. 人家投資咗咁多、梗係唔希望被班盲巫蹅禍嘅。

      刪除
  2. 發誓不可當食生菜,也不能改誓詞係人都知道啦!唉!

    回覆刪除
    回覆
    1. 弊在有群狀師級人馬跳出來帶頭亂噏廿四囉!

      刪除
  3. 域兄晚上好,
    我從未見過肥彭講嘢咁激動架,

    過氣督爺好嘮嘈
    拍檯拍櫈又吹鬚
    誓言怎可當菜食
    我話佢係似做shows

    回覆刪除
    回覆
    1. 華娃兄、冇辦法架、佢哋眼見城中班盲巫亂搞倒佢哋嘅米、咁就自然大火氣啲架喇!

      眼見群𡃁將米倒
      肥彭嬲到冇咗譜
      今日話明唔鐘意
      誰敢再犯冇得撈

      刪除
  4. 真講獨對西人冇好處,攪講獨就睇會攪出D乜,如果可以令天朝買怕就緊係OK,而家變左係負資產,咁就緊係要劃清界線喇。

    回覆刪除
    回覆
    1. 西人好清楚、只要紫城地位不變就係西人對付天朝嘅利器、如果獨立就會變成西方累聚、所以講獨絕不能接受的。

      刪除
  5. 我想英脫歐後更要和天朝保持更好經濟關係,所以一開始就劃清界線,政治本色!

    回覆刪除
    回覆
    1. 英人一面要依賴天朝在經濟上合作、另一手則要防止天朝發展得過於迅速。

      刪除
  6. 我開頭以為班友仔講港獨,係嘩眾取寵,點知班友仔以為真係可以成事!我除咗用白痴嚟形容佢哋,再搵唔到更貼切嘅字眼嚟形容佢哋!

    回覆刪除
    回覆
    1. 對呀、當初人人都認為講獨係偽命題、但卻原來有人要弄假成真。都可謂滿地玻璃咯!

      刪除
  7. 今時今日香港人有幾多個知道"功能組別"鳥籠選舉係邊條友搞出嚟…? 生果、人言、日月及係電台揸住個咪亂吹水果的高知、公知、乜膠物膠成日鬧係北風吹落嚟,典型"世紀"最大生豬肉!
    仲有,阻頭阻勢亂嗡廿四,係肥彭耳邊話唔好俾香港人太多"民主"又係邊個?香港大部份人都失憶了,就係"民主阿婆",抗日惟一向日本投降將領之後人的"安生"婆婆!
    全部有案可查,有舊報紙可跟,所以,失憶是亂港之原因!傳媒係亂港之源頭!

    回覆刪除
    回覆
    1. 閣下所言非虛、可惜講人太過喜歡扮鴕鳥。事實上、講人並唔係真的唔懂歷史、而係有種人只會聽喜歡聽嘅話、永遠不願意聽真話的。

      刪除
  8. "功能組別"鳥籠選舉係蛋塔末代港督肥佬愛爾蘭佬彭校長諗出嚟,搞出嚟,害港害民的工具,不過……近廿多年細佬親身海漂體驗一人一嫖的 simple and naive 民主選舉之後,很痛苦的醒悟,肥彭真係"愛"香港!佢真心想香港好,先至留下千古恩人的東西俾請佢食蛋塔的香港!
    如果,海漂地有功能組別去制衡"一人一嫖"的垃圾選舉,不致海漂地古靈精怪,一塌糊塗,有令不行,有建設不作,官商勾結,遍地道友,公用事業瘋癲加價等等荒唐現象,(不過,海漂地比香港,比中國都好運,祖宗留下來的東西太多太多,任你二世三世四世怎敗家都承受的起,上帝太不公平!)
    肥彭對香港有"愛",比油涼畸這幾位港奸可敬得多!!!

    回覆刪除
  9. 西人根本上冇打算要搞講獨

    回覆刪除