2016年11月2日星期三

判頭也瘋狂



慣於堂前做公正
我講話時你要聽
今日我打我從前
鼓厲你來把命拼

日前胡判(高級明鏡堂嘅過氣大判頭)突然宣布要參加來屆揸拂人擂台爭霸戰、並帶頭在社會上牽起熱議。胡判寄語蟻民、不必害怕面對廿三法、因為總比面對各安法好得多。殊不知過了兩天之後、胡判的態度忽然起了180度變化。他說利用大炮打蟻民絕對不能接受、如果他打贏擂台成為本城阿頭嘅話、必定會為南天門“八狗六死”事件申冤。胡判仲話、假如時光倒退五十年、他亦會參加兩年前嘅打傘革命。因為連咁好玩嘅嘢都未玩過、實在太過落伍喎!

呢嗱、江湖上有人質疑胡判開口夾着脷、不是真的想打擂台。眾所周知“八狗六死”乃係紅家會死穴、而打傘革命已被證實係花大叔出錢和出力為罪惡城精心炮製出來嘅翻盅亂講鬧劇。但過不了幾日、胡判轉過頭來又話、打傘革命是違法的、呼籲年輕人應該守法喎!胡判嘅講話一時一樣、搞到係人都癲。難怪坊間有咁多人質疑佢究竟係想點啦!事實上、一個立心競逐罪惡城阿頭寶座嘅人物、居然連一份政綱都欠奉、即係打擂台冇功夫基礎、簡直係茅廁點燈找屎啦!係嘛?退一步講、一個立心要揭紅家會瘡疤嘅人、恐怕連城中嘅五家八會都唔敢領教、試問由誰來抬佢上擂台?依我睇、由於穿紅褲子出身嘅爭六成被滅聲之後再無後繼動作、而前朝精英抓錢華又處於患得患失狀態之中、若無其他人企出來當挑戰者嘅話、施威隨時可以不戰而勝。在圈中無大將嘅情況之下、胡判惟有暫時挨「異氣」充當先鋒、希望能夠引出有實力嘅人出來參與競逐。之不過、有消息顯示、總舵主將「廿三大法、國文教讀、正字改革」三大項目列為下屆揸拂人必須完成嘅指標。試問除咗再無後顧之憂嘅施威之外、仲有邊個人敢去碰這三隻熱山芋?萬一弄假成真、由無心插柳嘅胡大判頭打贏擂台嘅話、咁就真係有大把好戲畀街坊睇咯!








18 則留言:

  1. 我以前常常都講,如果中央能派些高人/高官來港做阿二阿三阿四阿五阿六(當打工咋),意思話來的人全做副手,咁就好啦,做大嗰個就不敢放肆,一來沒有違反基本法,二來你話仲有冇人敢玩嘢?
    域兄,我只係發下噏瘋咋,請莫當真!

    回覆刪除
    回覆
    1. Siu 兄、你嘅提議確有得諗架、唔知阿爺收到未呢?

      刪除
  2. 域Sir,條友根本不是想競選,見到冇人出來選咪出來玩下咯,乜人做都要共產黨同意先有得傾,兩條新丁議員初出茅廬未見識政治險惡,不識時勢做咗替死鬼,CY 時來運轉,趁機釋法撈政治油水,有望霖莊唔使走。

    回覆刪除
    回覆
    1. 對呀、冇阿爺點頭萬事不成。施威除咗食住呢條水上、恐怕已無其它路可走矣!

      刪除
  3. 我是無知港嫗也覺得胡判語無論次,難怪最近的判刑咁離奇!

    回覆刪除
    回覆
    1. 話明係胡判、所以在下也不敢有的期望咯!

      刪除
  4. 想不到堂堂過氣包青天,居然話那場79日霸路好好玩,有免費的食和宿,如果他是學生都會去玩下。
    真係無人性! 攪到隧道大塞車,巴士不到位,有人困處車內肚餓、便急,無法解決;要送終的全家趕不及。
    這樣是否好好玩 ? 妖獸都市多妖孽,妖言惑眾亂紛紛。

    回覆刪除
    回覆
    1. 今次下議院主動釋法、已經顯示上面信唔過本城嘅一班判頭咯!

      刪除
  5. 域兄,我相信除咗CY外,葉劉一定夠胆做任何野,只要你俾佢做到凸首!

    回覆刪除
    回覆
    1. 飛獵兄、就係因為佢比施威還要夠薑、城中五家八門就唔鍾意佢、而阿爺亦唔會為佢跟班大鱷扎碼。睇嚟、佢都係咁先咯!

      刪除
  6. 我見呢個胡判出來講野, 好似個政治白痴或小丑。

    回覆刪除
    回覆
    1. 佢想學賓仔一哥賭得蒂玩無厘頭、但唔知點解變咗東施效顰啫!

      刪除
  7. ⛅好友♦・゚☼我的早晨&你的午安好☁*`☀
    我又是時候出門去玩貓🐈行街市買餸菜呢
    💛*¨*💞・゚。💚。・゚゚💗・。・。。゚。⊹
    ╔╗╔╦══╦═╦═╦╗╔╗¤*¨💙
    ║╚╝║══║═║═║╚╝║💕*。
    ║╔╗║╔╗║╔╣╔╩╗╔╝。゚💜
    ╚╝╚╩╝╚╩╝╚╝═╚╝星期四💓
    💟*¨◇💖∴ღ❤º°¨💘∵*`

    回覆刪除
  8. 總舵主將「廿三大法、國文教讀、正字改革」
    三大項目列為下屆揸拂人必須完成嘅指標 !!

    回覆刪除
  9. 下屆揸拂人想係邊個好呢....

    回覆刪除
    回覆
    1. 相信要待所有人都報咗名之後才會有頭緒。

      刪除