堪稱極品劉小蟻
人家造反佢吹雞
昔日判刑錢代過
呢回撞板聽歸西
號稱“小蟻老師”嘅垃會新貴劉小蟻雖然在新主持人大口梁無知嘅情況下、為她安排重新宣誓而取得尊貴資格、但卻遇上紫荊城揸拂人施威向大法壇申請、要求大法判就她的尊貴資格重新審核。按照最新大人釋法規定看來、小蟻老師份工都可謂凍過水咯!難怪她公開發爛渣、指責施威落井下石啦!之但係、如果她當日沒有在宣誓儀式之中加插那些愚蠢嘅嘩眾動作嘅話、就唔會被人抓住隻痛腳來窮追猛打啦!係嘛?!俗語都有話、種瓜得瓜、種豆得豆吖嘛!所謂食得鹹魚止得渴、任何人都要為自己所做嘅嘢負責嘅。試問點可以去埋怨別人?由此可見、呢位老師連自己都教唔掂就去教人、簡直係誤人子咯!