妖獸之城

此雞不是非凡雞

乃是盲巫面向西

推倒施威為首任

面對民生欠命題

昨日、在講錯電台主辦嘅口水陣節目之中、拍垃圾新貴樓小偽聲稱、施威係講獨幕後黑手和炒家。那位以「不守法並不等同不尊重法律」洗年輕人腦袋嘅涼茶杰就話施威係講獨之爸。理由係、若不是施威在「私訂報告」中狠批紫荊大教館刊物「鶴丸」宣揚講獨、社會上就不會有人討論此事。之但係、支那恆和爛口貞從未有被施威嘅「私訂報告」狠批過、但「肉麻」鬧劇不就是依時上演了嗎？在眾目睽睽之下將事實本末倒置和亂扣帽子、呢啲簡直係比小學雞更加小學雞嘅行為。如果話批評講獨嘅人就係幕後黑手、炒家、講獨之爸嘅話、人們就不得批評強姦、打劫、收買人命嘅事、否則佢哋就係慕後黑手、炒家、罪惡之爸矣！咁搞法、我哋置身之中嘅世界將會變成點？

勢難想象得到、今日政棍嘅嘩眾手段低劣到如斯田地、居然能夠擁有一大批追隨者、都可謂吾不欲觀之矣！坦白講、若說施威利用打擊講獨作為政治本錢、在下相信不會有太多人反對。之但係、話佢係甚麼幕後黑手、炒家、講獨之爸、就算是傻嗰個都知到係老屈架啦！其實、這種係又屈、唔係又屈嘅行為、與當年中土紅偽兵嘅做法猶如出一轍。難道有人真的想在罪惡城上演一齣「盲化大革命」乎？睇嚟、古人所謂嘅「讀書明理」概念已經追不上潮流、取而代之嘅係「讀書明屁」才對。否則、亦唔會有咁多讀飽書嘅人噏得就噏、公然在大眾面前放屁。梁茶杰嘅老本行係撞棍、故捩橫折曲乃係其強行。然而、但身為教頭嘅樓小偽居然語無倫次、恐怕做佢嘅門生都唔慌會學到乜嘢好東西咯！總之一句、在今天這個妖獸世界裡面、沽名釣譽嘅人實在多的是。