由垃圾會坐館講起

開會打龍通

收工趁早鬆

牙無三兩力

同歸假大空

江湖流傳、亂制派一至支持梁十八登上垃圾會坐館寶座、白鴨幫挑戰者小桃桃質疑、梁十八身為十八家大戶嘅受薪話事人、是否適合擔當此任。呢嗱、小桃桃嘅質疑是有道理的、垃圾會嘅決定對民生影響非常之大、如果由一名大戶界代表當垃圾坐館、對於基層個體戶來說確實不是好消息。例如垃圾尊貴在一項涉嫌劫貧濟富嘅議題上發動拉布戰、而具大戶背景嘅坐館爺卻剪布、究竟利益偏重於那一方大概不言而喻矣！不過垃圾會終歸是垃圾會、有幾多個尊貴係真正關心基層利益嘅、恐怕用顯微鏡都照唔到出來。因此無論由誰當垃圾會坐館、街坊都是懶得去管、這才是社會真正嘅悲哀。

正正是因為街坊對於垃圾會不存厚望、所以才將手中票投給一群不知世途險惡、只管不斷索求嘅拚討派年輕新丁。假如白鴨幫和大撞幫不是有先見之明、及時勸退負資產、改派新丁上陣嘅話、大選結果必然會跟剢人李、受難可、飯殼揮、癲狗王等人一樣、落得慘淡收場。坦白講、以其指責這群年輕人斷估冇辛苦、倒不如話佢哋嘅存在係能夠對垃圾會裡面一群皮笑肉不笑嘅老狐狸發揮着一股抗衡力量。問題係誘惑容易令人腐化、這群後生仔女究竟可以企硬幾耐倒成疑問。也許有很多街坊認為今日政壇是保皇黨與反對派之爭、但在內行人眼中見到的卻是大戶利益之爭。因此在下亦不敢相信年輕新丁有幾清高、恐怕在各為其主嘅大前提之下甚麼理想都會被拋於腦後、而跟那群老狐狸一樣唯唯諾諾的當起yes-man來。正如李大戶話齋、有能力嘅人唔肯企出嚟、唔識嗰啲人就個個爭着來做、呢啲唔係社會嘅悲哀又係乜？再講、無論泛㒼抑或拚討皆不足為患、只有亂制內訌才會對社會造成重大傷害。上次豬狼鬥一役不就是鐵一般的證據嗎？