2016年8月15日星期一

衙門有鬼



天師䁯眼瞓
群鬼鬧紛紛
盲巫玩賭命
遲早斷三魂

怪事年年有、今年特別多。勢難想象、在這個年頭民間居然會過問衙門捕快升遷之事。早前開封衙門人稱煲爛梨嘅大刀頭升級不成劈刀唔撈。此事經過政棍輾轉相傳之後便在坊間發酵、甚至鬧到上垃圾會去。近日有心人請得前朝嘅蕃鬼開封府尹師伯曳千里迢迢從米旗國跑到紫荊城來跟賣田李密斟、然後狗捉老鼠管起開封衙門嘅內政來。此公仲暗示、今日嘅華督唔似得當年嘅洋督咁有正義之氣、所以應該修改條例以令開封衙門在不被干預之下運作。期間、未曾展翅恨天低嘅深閨怨婦陳四婆又跳出來、力指刀頭唔撈是極不尋常嘅事嚟喎!

呢嗱、米旗佬面皮之厚心之黑跟花旗佬果然是同出一轍。回想在前朝統治末期、開封衙門綽號拳王徐嘅大刀頭被解顧之後、公開踢爆該衙門已經變成米旗佬嘅情報機關、多位社會名人和紫荊府衙高級主管均受到監聽和監示。換言之、開封衙門早在廿多年前已經變質、只不過當時嘅干預是來自米旗事頭婆、而現在被指嘅干預力量是來自紅家而矣!坦白講、無論傳聞真偽都好、立法杜絕對開封府衙門嘅干預、是絕對冇可能的。因為當今所謂獨立運作即係清除紅旗勢力、而造就花米二旗麾下嘅勢力成為主導。今日嘅講錯電台就係鐵一般嘅證據。花米二旗已經壟斷各級教館嘅思想主導工程、甚至連坐在明鏡高懸之下嘅大小判頭亦唔例外、假如連開封衙門也淪陷嘅話、未來嘅紫荊府衙肯定唔止係跛腳鴨、簡直連廢柴都不如至係。所謂物極必反、若然有人認為阿爺為咗統戰寶島就任由別人歪曲𠲖個兩制也照單全收就肯定係計錯數、而且後果亦相當嚴重。按照今日菜英子對架仔嘅忠誠看來、莫講話𠲖個兩制、即使係聯邦制都不可能說服她讓寶島回歸的。只要明白此理、就知到那群翻盅亂講人士瞎搞一通、簡直係在茅廁點燈、找屎矣!


23 則留言:

  1. 好友♦・゚謝謝☼黃昏好&傍晚好☁*`☀

    回覆刪除
  2. 瘡疥之疾不可不理,否則就大件事。
    但就唔知點解…紅爺會對香港放任自流,好像由得香港愈嚟愈爛,如果啲肉爛到見骨就要動大手術㗎喇!

    回覆刪除
    回覆
    1. 阿爺又點、呢度山高皇帝遠、最弊嘅就係人鬼難分吖嘛!

      刪除
  3. 衙門有鬼?聽日七月十四囉!

    回覆刪除
    回覆
    1. 娜姐、七月十四嘅鬼比唔上衙門裡面嗰啲咁恐怖架!

      刪除
  4. 以前御賜龍頭鍘斬皇親國戚,而家話龍頭鍘斬可以斬埋皇帝,要開封府尹成為太上皇也。

    回覆刪除
    回覆
    1. 唔止、聽講話仲要拉皇帝出來跪玻璃喎!

      刪除
    2. 呵呵! 如果係祟貞皇帝就要去上山上吊啦。

      刪除
    3. 秋葉阿姨、按照本城形勢看來、真係有可能架!

      刪除
  5. 香城生活實在太過平靜,人就會變得枯燥,如果唔談談港獨,講講政治,你話重有乜勢藝?

    回覆刪除
    回覆
    1. 家陣全世界都中晒政治毒、否則中東又點會係片瓦不全呢?

      刪除
  6. 後生仔無事事,天天講人亂講,勢必越亂越糟糕! 竟妄想由外人來當家作主,完全唔知道“八各聯軍”啲陰謀詭計幾利害!

    回覆刪除
    回覆
    1. 更正補遺:無“所”事事。

      刪除
    2. 跟當下年輕人講八國聯軍只係對牛彈琴。有些人個腦袋裡面根本上無民族和國家觀念架!誰之過呢?!

      刪除
  7. 今日嘅華督
    唔似得當年嘅洋督
    咁有正義之氣

    回覆刪除
    回覆
    1. 在下還聽說
      華屁也不及洋屁那麼正氣

      刪除
  8. 域大哥晚安, 見怪不怪..呵呵, 小妹前來問安,祝好。

    回覆刪除
  9. 怪不得「討已奇」清除亂擋
    要翻起成千上萬人的帳
    就是為了杜絕這種多階層的滲透

    回覆刪除
    回覆
    1. 突劂打落沙鵝隻戰機、而沙鵝卻給突厥情報、級時救因阿爾多安條命仔、以及保住佢個江山。佢梗係要清除家裡頭嘅內鬼架喇!

      刪除
  10. 由白米旗轉到紅星旗,食白米轉到食紅米,是否要轉轉口味呀,老友記,咪搞咁多嘢啦!

    回覆刪除
    回覆
    1. 人嘅口味和習慣很難話改就改、否則就唔會有「死性不改」呢句話咯!

      刪除