小圈子擂台 之 蠢動

牌頭二對一

鬥到屙拔甩

間歇發牙痕

人皆多嘰趷

在去年“個㷫”酒會裡面、連眼尾都懶睄結拜大佬啱曾一眼嘅抓錢華、近日忽然稱讚啱曾嘅“行企功夫”係城中無人能及。點不知、佢話口都未完、就被眾街坊插到頭暈眼花。事關街坊一聽到啱曾嘅大號、就會火都嚟埋嘅。事實上、此君早就被冠以“生前累大眾、死後累街坊”之惡名。因為他揸拂七載眼中有富冇貧、老走後還要留低大坺洗極都唔清嘅蘇州屎畀街坊嘆吖嘛！然而、抓錢華寧做非洲和尚都要指着一坺屎盛讚其色香味俱全、相信其講話對象並唔係普羅大眾、而係豬營大戶。注於點解、大概畫公仔都唔使畫到出腸啦！係嘛？！

早前、講馬版顧問牛笑雞重申、小圈子大擂台將如過住一樣、最多只能容納兩名代亂制表名和一名泛㒼代表。事實證明、真正交手嘅只係兩名亂制代表、而泛㒼代表只能算是台上一名丑角而矣！不過今次環境跟以往有所不同、話唔埋丑角都可以挑大樑。早前豬營已經放話、如果阿狼再上台參戰嘅話、他們就會集中所有資源去支持丑角。幾日後總舵透過掙六成向豬營放話、表示無意插手干預這次擂台大賽。消息傳出之後、那些垂涎金紫荊揸拂人個位嘅人物便蠢蠢欲動。掙六成更加係一馬當先企出來喊話、如無人出玩嘅話、他就唔客氣踩上擂台架喇！找錢華亦對着公仔箱講澄清、他從未講過唔上擂台。而打得鄭亦不斷以打邊鼓方式、試探是否有人推舉佢上擂台。平情而論、抓錢華即使𧨾得掂豬營大戶、亦說服不了阿爺。打得鄭連穩內功夫都做得強差人意、恐怕亦難過關。注於掙六成所謂嘅參戰、更多的是為那群參加垃圾會擂台大戰嘅亂制手足遮風擋雨。即係話、當亂制派被問到是否支持被視為負資產嘅阿狼冧莊時、好讓他們將擺自己上台晾翻高個價位。注於還有沒有其它原因、那就要看以後發展才知曉了！聽聞話、肥仔鏗嘅恩師曾經嘗試遊說他打擂台、但為他婉拒。姑勿論金紫荊揸拂人呢個衰位由誰來坐都好、總之事實擺在眼前、政治素人是絕不可能鎮得住呢個三煞位。因此在下依然相信、最終上擂台打嘅唔係掙六成、而係同屬一幫嘅那條目前仍然沉在水底嘅殺人鯨。