播種

港人亂講煽歪風

莊家猶如在夢中

教頭公然搞亂檔

今年講獨勢如虹

泛㒼力指講獨是當今揸拂人管治霸道而迫出來的、並在垃圾會擂台爭霸戰臨近之際、以趕走暴君為宣傳口號。呢嗱、咪話在下又撥冷水、呢種講法係人都知到係屁話嚟架啦！事實上、連阿水都知到講獨係由戰中催生出來、而戰中係花大叔在背後掟銀、再由一群大教頭利用三年多時間公開鼓吹而成的。換言之、講獨其實就是戰中嘅第二部曲、將來還可能有三部曲、四部曲、甚至五六七八九部曲。係人都睇得出、泛㒼在講獨方面是扮演着西南二伯父角色、明知錯而不反對、而且還暗中幫忙。如果唔係嘅話、點解每一次揸拂人出手對付講獨之際、泛㒼之中總有人跳出來指手劃腳、罵揸拂人違反這個、違反那個呢？於我睇、呢班友再唔趕快轉彎嘅話、到最後可能有人陸雲霆睇相、唔衰攞嚟衰咯！

其實、泛㒼元老二馬基早已踢爆、城中鬥來鬥去都只係花大叔跟紅阿爺之鬥、而泛㒼和亂制都只不過係棋盤上嘅棋子而矣！江湖上亦流傳、花大叔今次嘅目標就是要把更多架忌冷送入垃圾會。花大叔志不在搞講獨、而係要利用班血氣方剛嘅後生仔去當死士衝擊紅家底線。如果呢把火能夠焫着神州當然最好、即使只能在本城不斷製造麻煩和混亂、亦不失為打擊紅阿爺威信和國際形象嘅利器。從過去連串衝擊事件可以看得出、花大叔一直活學活用紅家老祖矛皇帝嘅絕學、成功地團結了所有可以團結嘅人去對付敵人。多年來、花大叔一直跟那群認錢唔認人嘅專業講艱合作愉快、並成功在本城催谷起一股“反盅亂講”嘅情緒。事實上、咱家紫荊城別的不多、就是講艱特別多、而且分布在所有階層。本城講艱界紅人看更李曾經講過、以自己當講艱為榮𠻹喎！就係咁、本城講艱從業員都是敬業樂業的。吓、究竟揸拂人辨公廳裡面有冇講艱從業員？唓、遠在天邊、近在眼前、自己去睇啦！