署任風波

署任唔成賴阿威

老廉廣播倆睇齊

恃仗人多好造作

泛民炒作搏偷雞

在下只知到公家署任制度、是一名公人被委任去擔當一個較高一級職位嘅職務、當事人可以按月支取（acting allowance）署任津貼。除非人事部有白紙黑字闡明一個署任期（例如六個月或一年等）並聲明試用合格後可獲批准升上該職位（俗稱坐正）、否則該署任只屬臨時性、與升職並無必然關係。原則上、署任人是否可以升職、是要看其直屬上司是否認同他/她的相關工作表現而定、如果上司不在其考勤報告上作出推薦嘅話、即是對其表現有所保留、署任人就不會坐正。

日前講錯電台公布一份升官名單、但署任助理台長問卷陳榜上無名。據說台長苦瓜榮在問卷陳嘅考勤報告上評為“未能促進協作”而不獲推薦升職。之但係、問倦陳手下一群職工就戥佢唔抵、並指責台長苦瓜營口頭稱讚過問卷陳唔算數而令佢冇級升、所以發動集體抗議。令人匪而所思嘅就係、高官升職不成、竟然會由下屬替佢抱打不平。呢嗱、事有湊巧、早幾日青天衙門一姐布欄李坐唔正老二個位便劈炮、身為局外人嘅白鴨幫政客替佢出頭、並將之渲染為政治打壓。幾日後就輪到講錯台一姐坐唔正助理台長個位、而引發另一場疑似政治打壓風波。這兩件事又係有咁啱得咁橋、被㘉濕身嘅人就係督爺。兩件事嘅時間節奏啱橋成咁、想話唔係政治風波都唔得啦！坦白講、衙門內高官升遷事宜、通常是由講府大總管落槌、而並唔係督爺。然而、目前所見、大管總置身事外、而所有矛頭都是直指督爺。明眼人一望而知、大概又是另一場政治鬥爭嘅開始。姑勿論呢件事基於何種原因而鬧起來、但可以肯定嘅就係、衙門內部紀律已經出現嚴重問題矣！