2016年6月8日星期三

跑馬仔前奏曲



無分奸或忠
志在爆陰功
壇前先起誓
預約打龍通

今年垃圾會大選尚未開始、就有人偷步揭開明年三月講督跑馬仔嘅序幕。首生彈出來嘅人、就係穿着紅褲子舉家移民風葉國、然後返來食回頭草嘅𠲜六成。阿𠲜披露當年豬狼鬥期間某些鮮為人知嘅黑幕、暗示某人仗勢斯負佢。紅門棄卒大四口亦指講府擅長爆陰毒、暗指某人嘅人格差劣。豬公子亦趁勢兜個圈指某人將他任職大總管時所建立嘅功績據為己用。找錢華則借用國隊對講隊嘅一場足球賽為題、話自己企硬支持講隊、暗批某人冇膽企喺講人嘅一邊。當然、還有皮笑肉不笑嘅、葉柳、小四口、猜啦賓、飯婦人、夢啤啤、撈家尖等人都唔會放過炒某人冷飯嘅機會。由此可見某人須獲天時之助、但地利與人和皆弱。

其實上面的講嘅已經係討不回嘅爛賬、但近日風頭頗勁嘅打尖譚出手執嘅呢一劑卻係新鮮熱辣。事緣近日坊間流傳、糟殃政策組(殃策組)做嘅垃圾會大選調查報告裡面顯示、超過五成受訪者認為有關講督連任嘅調查報告是重要的。但打尖譚卻以權威人事姿態指出、殃策組是從來不會公開調查資料的。點不知、咁做反而替常無打開一道缺口、令他可以食住上話、有理由相信講督利用公帑去為自己參選造調查。嗱嗱嗱、如果無常嘅指控屬實嘅話、阿邊個就真係死得架喇!咁你話嘞、呢鋪算唔算得上係無𤶸𤶸整笪𤶸呢、吓?!記得上次講督跑馬仔臨陣變掛、打亂咗利益集團嘅部署、結果引發一場大廝殺。最後雖然由插班馬狼鷹勝出、但紛爭並未曾真正完結。兩大陣營嘅恩怨情仇繼續發酵、而且暗戰連場、以致整個社會嘅怨氣和矛盾都激發起來。按照目前豬營頻頻出招嘅趨勢看來、兩大利益集團依然係講唔掂數。如果再係咁發展落去、唔止當年嘅豬狼鬥會歷史重演、而咱家紫荊城恐怕再受唔起咁沉重嘅打擊。難怪有人話呢鋪係一鋪過嘅大晒冷、亦即係話全城人都無辜受到牽連啦!


12 則留言:

  1. 其實乜都係利益行先,所以選舉呢方面係可以做馬,而且亦相信若一切劇情需要的話,營造氣氛…假得嚟交貨都要似吖!

    回覆刪除
    回覆
    1. 對呀、任何事只要牽人就必有作假、全世界選舉都一樣、花旗唔例外、紫荊城更加唔會例外矣!

      刪除
  2. 好友♦・゚☼早晨&午安&黃昏&傍晚好☁*`☀
    っˆヮˆ)っ❤ღ。゚❥*¨❣眨吓眼時間過得好快嚟♥♡
    ╔╗╔╦══╦═╦═╦╗╔╗°¨ʚïɞ
    ║╚╝║══║═║═║╚╝║ƸӜƷ
    ║╔╗║╔╗║╔╣╔╩╗╔╝。゚*Ѽ
    ╚╝╚╩╝╚╩╝╚╝═╚╝✿端午節❀
    ∴♣♧♣∵♣♧♣•ೋ*¨*•.¸¸。゚ഐ

    回覆刪除
  3. 紫荊人落獲已經冇得免架喇,整多場豬狼鬥咪當睇折子戲囉,免費架。

    回覆刪除
    回覆
    1. 其實那群講獨仔對社會作能造成嘅破壞、遠遠不及豬狼鬥。

      刪除
  4. 哈哈,又知佢打龍通,都好叻喎!!

    回覆刪除
  5. 選舉在即,少講少錯為上上之策!

    回覆刪除