2016年6月6日星期一

捉光晚會的啟示



抬槓傻仔腦未開
荒謬廢噏智若呆
前面有堆燒壞瓦
笑面黑心迎客來

本無前一哥陽台旺質疑、點解紫荊人一定要嗌國嗌民、並指責支離會利用“齊講精神、嗌國嗌民”呢個口號去荼毒本地意識。陽台旺強調、支離會夾硬將“嗌國嗌民”與“八狗六死”綑縛在一起、完全違背本地毒蠟精神。呢嗱、所謂唔怕生壞命、最怕改錯名、真係一啲都冇錯嘅。淨係聽到“本地無知前稍”呢個會嘅朵、就知到裡面容納嘅係乜嘢貨色嚟啦!其實你有你搞本地毒蠟、人有人搞捉光晚會、理應互不相干至係吖嘛!試問又關你本無前嘅屁事咩?依我睇、陽台旺之所以指責支離會荼毒本地意識、大概係要趁住呢單嘢爆紅之際大抽其水而矣!

講開又講、雖然城中各激進講毒集團口中所講嘅都係毒蠟、但基本矛盾卻存在於“反紅”與“本地”兩個意識之間。顧名思義、反紅就是要打倒紅家一門獨大、而本地卻是要與紅家劃清界線各不相干。因此泛㒼堅持繼續搞捉光晚會、並唔係要毒蠟、而係要提醒坊眾無忙當初打到一門獨大嘅理念。因此泛㒼跟本無前、㒼族會、講大生會等這一些只想擺脫紅家而另起爐灶嘅幫會原則上係南轅北轍、跟那些堅持反紅理念嘅激進幫派反而係殊途同歸的。憑這一點、便足可以解釋得到、點解泛㒼屢遭激派狙擊、依然能夠將一口屈氣嗗聲吞落肚咁順攤喇!此類一個唱紅面、而另一唱黑面嘅把戲、亦只不過係政棍混飯食嘅一般伎倆。可惜偏偏有群連個死字都未識寫嘅黃毛小子、被人擺咗上台等劏都唔知、竟然還以自己係造反先鋒自居、都可謂頭鬚腳浸浸涼都唔知發生緊乜嘢事咯!憑這個角度去睇、講毒的確係不足為患的。但世事真係咁單純嘅咩?!


10 則留言:

  1. 有句話叫老謀深算,後生仔又有幾多日人吖,奶都未戒甩就想大魚大肉,休想啦!

    回覆刪除
    回覆
    1. 呢啲就叫作少年賊仔遇上西南二伯父囉!

      刪除
  2. 心口得個個勇,咁就睇吓連個死字都未識寫嘅黃毛小子點任人擺佈罷!

    回覆刪除
    回覆
    1. 佢哋唔知被人擺咗上枱、仲以為一切都係自己創造出來架!

      刪除
  3. 金主講毒蠟都係想搵紅家著數,豈容劃清界線,不過本地派壯大,都係佢地整出來嘅,養大左唔聽話嘅例子多的是。

    回覆刪除
    回覆
    1. 有人話、本地派有可能係飲紅茶嘅喎!

      刪除
  4. 好友☆・゚✬晚晚甜夢安睡☁¨*♦周二╠╣aΡpy☾。゚★

    回覆刪除
  5. 你哋咪睇死班黃毛小子得個勇字,佢哋有唔少擁躉,而支聯會年年借住搞六四嚟保持泛民聲望,有啲巿民開始厭倦亦想轉變,咪會俾機會班靚仔搞囉!所以撬支聯會啲票比較容易。

    回覆刪除
    回覆
    1. 對對對、所謂寧欺白鬚公、勿斯少人窮吖嘛!

      刪除