2016年6月22日星期三

癡癡呆呆坐埋一枱



痴者亦是呆
來者坐一枱
大家跟住反
唯爾望天開

呢嗱、所謂嘢可以亂食、話不可亂講吖嘛!自從吹雞林指貪口爽老屈三皮李是被人由陸路通過關卡押返神州、仲𢵌佢將一份反紅名單交給紅家特工組之後、件事就鬧得一發不可收拾。雖然全世界都見到吹雞林承認、所講嘅話都係斷估嘅、但偏有人刻意將之發大。但問題係、假如有確實證據證明紅特跨境辦案、而神州那邊硬是不作回應、紫荊人又當如何?遊行抗議、奴火街頭、抑或索性大反紅呢?別亡記、紫府眾官失職賠罪而不擔罪、紫荊人都無可奈何。那麼、神州方面唔回應有關指控、紫荊人又能怎麼樣?只要當事人三皮李一日不肯作證、件案永遠都是懸案一宗。然而、唯一受益人就係那些欲借此事作為大翻身籌碼嘅政治人物而矣!

當年三工老皇爺曾經講過、神州是條河、紫荊城是口井、可水不會犯井水、井水也不要犯河水、那就是兩制精神。但請看看今日、一群內衣褲(naive)嘅反紅人士妄想利用兩制作平台、將從英花二佬那裡學來嘅價值觀扤入神州。誰敢說、這不是井水犯河水?雖然有人視反紅人士為英雄、但很對不起、在下實在不敢筍同。因為在下絕不相信那些將自己仔女使開、然後鼓動他人子女去搏小命嘅人物所說的話。仲有呀、吹雞林前言不對後語、連主要證物都被佢毀滅咗、你可以相信佢、但在下決不敢相信佢。但那些經常利用「誠信」作為道德上嘅武器打擊對手嘅人居然話、寧願選擇相信吹雞林所講嘅話。咁搞法、何常又不是自己打自己嘴巴?難道你會相信、吹雞仔打鑼打鼓喊闖入神州搏拉、係食飽飯冇屎屙嘅行為嗎?今日大群廢青日日諗計搏出位、無非係睇中咗那份薪水連津貼廿多萬一個月嘅筍嘅工。呢份工嘅好處就係、無須要有哥利、更加唔須要經驗、只要懂得嘩眾取寵就合格。吓、係乜嘢工咁筍?唓、咪就係垃圾會演員囉!想撈就快啲去報名啦!


14 則留言:

  1. 都唔知點解嗰份工咁筍,如果可以用番某啲人講嘅衡工量值,咁就好咯,分分鐘要佢哋嘔突,但之不過套準則咪又係佢哋自己講番!

    回覆刪除
    回覆
    1. 唉、紫荊人機乎忘記咗有衡工量值呢回事好耐架喇!

      刪除
  2. 由於阿爺聲望差,講乜都無公信力!政客睇通呢一點,所以老點都有人信。我覺得阿爺同政棍一樣,講乜都唔值得相信!

    回覆刪除
    回覆
    1. 所謂政治無道義、贏就是真理。咁又點會有真心?

      刪除
  3. 呢個台的戲唔好睇,的演員費又咁貴,呢的係乜鬼世界黎架!

    回覆刪除
  4. 世界真係好易撈,火紅火綠作晒反就得架啦! 一日都係花國專登用雜誌捧紅咗個“痴瘋”出來,痴人就成為時下青年人嘅榜樣嘞。

    回覆刪除
    回覆
    1. 花佬黑心、無非為自己利益。紫人自己作賤自己都唔知為乜?

      刪除
  5. 你唔信唔緊要,佢地都唔係要人人都信嘅,只要有一班入晒腦嘅人信就得,而要呢班人信又一D都唔難,邏輯唔通都冇問題,只要肯講佢地就會自動加入大合唱架喇。

    回覆刪除
    回覆
    1. 明知有輸無贏仲舂個到埋去、都可謂喊都無謂咯!

      刪除
  6. 域 Sir,呢排我好唔得閒,連香港新聞都乜冇時間睇,睇大字標題就算,而且我一向覺得香港主要兩份報紙立埸唔多公正,所以好多嘢都係半信半疑。

    回覆刪除
    回覆
    1. Wai兄、本地報紙大概冇邊份可信、一切皆因政治所然。

      刪除