驅狼行動

阻人發達冇得傾

道理唔通鬥大聲

不分晝夜齊炒作

芝麻小事震天庭

近日細圈不斷流傳、假如大圈堅決讓今屆揸拂人冧莊嘅話、將會有大筆注碼押在第三個參賽者身上。湊巧小田田在前幾日講、勇字抬頭是源於不滿小圈子擂台嘅制度、並鼓吹重啟制度改革（制改）之門。呢嗱、係人都知到今年九月垃圾會擂台大賽開打、明年就輪到細圈打擂台、完全冇可能在咁短時間內完成制改。如果小田田旨在垃圾會擂台大賽之前、講啲嘢出來搏取街坊支持是無可厚非。但弊就弊在未必人人都係咁諗、萬一被人在背後一篤、話佢唱衰那個奉旨辦事嘅細圈擂台、咁就犯下大逆不道之罪。所謂前車可鑒吖嘛！步大田田後塵、極其量都係冇得撈。但係好似啤啤熊咁、搞到要坐花廳就確係該燴咯！

雖然在報章上、機乎每日都見到有人指責勇字堆趕客搞垮本城經濟。但據坊間顯示、雖然街坊大至上不認同勇字堆嘅過火行為、但指反對趕客嘅人並不多。呢個現象已經反映出官、商、民三方面對着同一個問題、皆有不同解讀。呢啲咪就係利益上嘅分歧、亦即係社會矛盾嘅根源囉！施威一上場就煞停雙非、繼而出狠招打擊炒樓活動、然後又以一周一行取代一日多行、成功抑制水貨沒動。呢嗱、呢啲都係民怨所在、如今獲得改善理應獲得街坊掌聲至係吖嘛！殊不知、稱掌聲就冇嘞、嗎聲就多到暈。究竟因乜事會搞成咁？答案咪就係、施威一向被視為紅家不異之臣、所以有人擔心固有價值觀、以及自己嘅既有利益皆不保囉！因此唔止反圈一方唔鍾意施威、就算係細圈裡面都有好多人唔妥佢嘅。正因為那群唔鍾意施威嘅人日日夜夜不停咁數臭佢、再加上施威嘅正面消息引不起媒體作大編幅報導嘅興趣、但負面新聞就登到連雞乸都冇咁大隻字、咁搞法、想話唔做非洲和尚都難啦！今次細圈動作多多、大概是要趕在欽差大人駕到之前先行鋪張聲勢、以起討價還價作用。照咁睇嚟、驅狼行動又開始了！