2016年4月4日星期一

鬥法



為了標松柴
狂轟企定挨
站邊不在講
還要賣精乖

最近亞太法術協會(亞法協)公開發聲“寸爆”青天大老爺嘅判決手法。該協會指出、參與去年「和尚打傘」嘅黃黨成員、除了被起訴者少之外、入罪律也不足半數。相反、那些反對「和尚打傘」嘅藍黨成員作出類似動作就罰得較重。亞法協指、由於起訴律和入罪律都比其它地方低、容易令人覺得青天大老爺寬鬆對待暴力行為。嘩、法協咁講法、分明係暗示青天大老爺雙眼嘅“嘥屎”生個唔夠平均、仲兜個圈話人家“重藍輕黃”添啦!係嘛?如果係咁就真係冤枉咯!咱家青天大老爺一向以公平、公開、公證見稱吖嘛!試問又點會係大細瞧呢?

呢嗱、以其指青天大老爺一隻眼大一隻眼細、倒不如話係雙方嘅觀點與角度不盡相同更妥當。坦白講、亞法協是由「終講台」法術界人士組成、他們對「和尚打傘」嘅睇法與朝廷觀點較為相近。但在事頭婆訓練出來嘅青天大老爺眼中、那只不過是一場政治爭拗。亞法協嘅法術家對於「歸本法」嘅解釋跟青天衙門嘅大老爺所持嘅解釋是有明顯差距的。由於雙方見解不同、兩者之間嘅矛盾確實是很難解決。俗語話齋、習慣成自然吖嘛!假如一個人出生後、第一眼見到嘅就係事頭婆嘅掛像、在學習期間所接受嘅又係事頭婆奉行嘅那一套準則、長大之後當然滿腦子都是事頭婆嘅價值觀、要改變實在唔容易。如果唔信邪嘅話、大概可以嘗試去說服講馬辦裡面奉行紅家價值觀嘅大老爺接受事頭婆那套值價觀、看看後果如何、便知在下所言不假矣!今次亞法協寸爆青天大老爺大細瞧、似乎要傳遞一些甚麼訊息。再係咁互捻落去、睇怕遲早都要搲爛塊面咯!

16 則留言:

  1. 的確有人懷念事頭婆年代,那些年,又不是樣樣咁好嘅!

    回覆刪除
    回覆
    1. 對的、這才叫作世事無絕對吖嘛!

      刪除
  2. 曾對著事頭婆個相宣誓效忠唔少次,有今日亦係事頭婆所賜,不過………想當年,真係無家陣咁"聞煮",在五六十年代,事事實實"作惡多端"."毒财"加"混醬",金毛點老鬼做嘢,係用隻食指咖!
    相比當年,如果唔係中咗生果毒同癲狗毒,今時今日,實實在在係"遍地豉油",河水滲的過來,算有節制,但係井水犯河水,犯到過晒水平綫,咁!算唔算自己攞來賤?
    老鬼一世精仔,精仔文化先至立命,寧為"肉碎"???

    回覆刪除
    回覆
    1. 其實最唔望太平嘅人莫過於政棍、因為事勢穩定嘅話、佢哋嘅生存就受到威脅矣!

      刪除
  3. 睇下大教館入面專門訓練師爺嘅教練行為取態,訓練出來嘅圍威喂都唔會差太遠喇。

    回覆刪除
    回覆
    1. 反紅教頭雖然不是想象中那麼多、但由話佢哋有組織和有後台、所以才能造成今日之勢。

      刪除
  4. 很多人都好奇怪,點解咁樣衝擊本土嘅法治與治安,嗰啲人都唔會受到懲處?
    但如果我們行路衝紅燈都係犯法。是否法院俾面大學的法科師生?

    回覆刪除
    回覆
    1. 聽講、凡與政治扯上關係的衝擊都被視為大眾整體之爭、注於個人犯法不可相提並論。

      刪除
  5. 今日香港官場嘅價值觀就係千萬唔好得罪人,除非那些人實在「好洽」…
    哈哈,咁你話係唔係?

    回覆刪除
    回覆
    1. 是即係不是、不是即係是、那就要視乎當事人嘅觀點與角度如何矣!

      刪除
  6. 域Sir,呢d 咪英國殖民主義者留下的蘇州屎咯。

    回覆刪除
    回覆
    1. Wai兄、我睇呢種咁嘅情況、大概叫作習慣成自然吧!

      刪除
  7. 你講得啱!法官會考慮事件背後嘅動機,如果認為跟政治扯上關係的話,會跟一般為利益故意搞破壞的案件不同,處理較為寬鬆!

    回覆刪除
    回覆
    1. 就係呢個原因、才會有咁多人混水摸魚咯!

      刪除